Qazaqstan Project Management Awards -2023 ulttyq baıqaýynyń jeńimpazdary anyqtaldy

<p>&laquo;Altyn sapa&raquo; ulttyq syılyǵyn tabystaýǵa arnalǵan is-shara aıasynda &laquo;Qazaqstan Project Management Awards -2023&raquo; ulttyq baıqaýynyń jeńimpazdary marapattaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Júldelerdi Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın tabystady.

Sonymen «Ortalyq memleketti organdar» sanatynyń «Jyldyń úzdik jobasy» atalymynda Energetıka mınıstrligi, «Jergilikti atqarýshy organdar» sanatynyń «Jyldyń úzdik jobasy» atalymynda Astana qalasynyń ákimdigi, «Kvazımemlekettik sektor» sanatynyń «Jyldyń úzdik jobasy» atalymynda Respýblıkalyq qala qurylysyn jobalaý jáne kadastr ortalyǵy jeńimpaz boldy.

Munan bólek, joǵary oqý oryndary arasynda Pavlodar qalasyndaǵy Toraıǵyrov ýnıversıteti «Jyldyń úzdik jobasy» atandy.

Dál osy atalymdaǵy kelesi syılyq «Maǵjan jáne E» JShS-ine berildi.

«Ortalyq memlekettik organdar» sanatynyń «Jyldyń eń úzdik menedjeri» atalymynda Energetıka mınıstrligi jobalyq keńsesiniń basshysy Aıbek Ibatýllın, «Jergilikti atqarýshy organdar» sanatynyń «Jyldyń úzdik menedjeri» atalymynda Mańǵystaý oblystyq jolaýshylar kóligi jáne avtomobıl joldary basqarmasynyń basshysy Abaı Turalhanov, al kvazımemelkettik sektorlardyń arasynda «Jyldyń úzdik menedjeri» atalymynda «KEGOC» Aktsıonerlik qoǵamynyń bas menedjeri Quralaı Aıtjanova, bıznes sanatynda «Supersonic» JShS-nyń jobalyq menedjeri Igor Volnýhın marapatqa ıe boldy.

«Memlekettik basqarý júıesin jetildirý boıynsha jyldyń úzdik jobasy» atalymynda marapat «Azamattarǵa arnalǵan úkimet» memlekettik korporatsııasyna tabystaldy.

«Jyldyń úzdik ekologııalyq jobasy» atalymynda «Oral saýda-ónerkásip kompanııasy» JShS marapattalsa, Memlekettik basqarý akademııasy Jetisý oblystyq fılıalynyń dırektory Baqyt Zlobın «Jyldyń úzdik asessory» atandy.