Qazaqstan Hockey Open: Qazaqstan quramasy Belarýsten overtaımda jeńildi

<p>ASTANA. KAZINFORM - Búgin Astanada bastalǵan shaıbaly hokkeıden Qazaqstan Hockey Open týrnırinde Qazaqstan quramasy Reseıge ese jiberdi.</p>

Kezdesý barysynda Belarýs hokkeıshileri belsendilik kórsetti. Olar birinshi kezeńde qatarynan úsh shaıba soǵyp ketti. Alǵashqy shaıbany Aleksandr Skorenov nebári 10 sekýndta soǵyp ketse, Aleksandr Skorenov 11 jáne 19-mınýttarda mergendik tanytty.

Ekinshi kezeńde qazaqstandyq Kırıll Panıýkov 21-mınýtta esep aıyrmasyn qysqartsa, belarýstik Igor Martynov 23-mınýtta basymdyqty arttyra tústi.

Al qazaqstandyq Ádil Beketaev 32, Roman Starchenko 42, Leonıd Metalnıkov 54-mınýttarda shaıba soqty.

Negizgi kezeń 4:4 esebimen aıaqtalyp, oıyn overtaımǵa ulasty. Overtaımda Vıtalıı Pınchýk jeńis golyn soǵyp, Belarýs quramasy basym tústi.

Qazaqstandyq hokkeıshiler 2021 jyldan beri elıtalyq dıvızıonda oıyn kórsetip keledi.
El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn. Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan.

Álem chempıonaty 10-26 mamyr aralyǵynda Chehııanyń Praga jáne Ostrava qalalarynda ótedi. Toptyq kezeńde ulttyq qurama AQSh, Germanııa, Shvetsııa, Slovakııa, Latvııa, Frantsııa jáne Polshamen synǵa túsedi.

Alǵashqy oıynyn 11 mamyrda Frantsııa quramasyna qarsy ótkizedi.

Eske salsaq, budan buryn el quramasy atalǵan týrnırde Reseıge ese jiberdi.