Qazaqstan filmderiniń tabysy 2017 jyly $44 millionnan asty

ASTANA. QazAqparat - Qazaqstanda 2017 jyly otandyq filmderdiń jiyntyq tabysy 44 mln dollardan asty, dep habarlaıdy QazAqparat energyprom.kz-ke silteme jasap.

«Kinoprokatshylardyń aıtýynsha, Qazaqstan kinosyna degen suranys artyp keledi. 2016 jyly otandyq ónimder jiyntyq kassanyń 6%-yn quraǵan bolsa, 2017 jyly bul kórsetkish 13%-ǵa jetti. Byltyr Qazaqstan filmderiniń jyldyq tabysy 44,5 million dollardy qurady», - delingen habarlamada.

Sonymen qatar Qazaqstan filmderi kassalyq túsim boıynsha úzdik úshtik qataryna jii iligedi. Máselen, www.ticketon.kz-tiń málimetinshe, aqpandaǵy sońǵy ýikendte (22-25 aqpan) «Kanikýly v Tailande» filmi 64,4 mln teńge (prokattyń eki aptasynda 231 mln teńge) jinap, tek «Chernaa Panteraǵa» jol bergen.

Budan tys, jyldyń alǵashqy ýikendinde (4-7 qańtar) boks-ofis boıynsha «Velichaıshiı shoýmen» jáne «Djýmandji: Zov djýngleı» syndy filmderdi artqa tastaǵan «Biznes po-kazahski v Amerike» filmi kóshbasshy bolǵan.

Kinonyń biletteri respýblika boıynsha ortasha 1220 teńgemen satylǵan, bul byltyrǵydan nebári 0,9% qymbat degen sóz.