QazaqQaz basshylarynyń ustalǵany týraly aqparatty joqqa shyǵardy

<p>QazaqGaz ulttyq kompanııasynda apparat basshysy Dıdar Saǵymbekov pen «QazTransGaz Ónimderi» JShS Bas dırektory Ernar Qulqybaevtyń ustalǵany týraly aqparat teriske shyǵaryldy, dep habarlaıdy <a href="https://kaz.inform.kz/news/elmzde-359-lauazimdi-tulga-paramen-ustaldi-antikor-0213f9/Kazinform." target="_blank" rel="noopener">Kazinform.</a></p>

— Vedomstvolyq baǵynysty uıymdardyń qyzmetkerleriniń ókilettikterin asyra paıdalaný faktileri boıynsha QazaqQaz-da ustalǵany týraly búgin BAQ-ta jáne telegram-arnalarda taraǵan aqparatqa qatysty habarlaımyz. Aqparattyq habarlamalarda atalǵan apparat basshysy D. M. Saǵymbekov pen «QazTransGaz Ónimderi» JShS Bas dırektory E. G. Qulqybaev jumys ornynda jáne shtattyq rejımde jumys istep jatqanyn málimdeımiz. QazaqGaz ulttyq kompanııasy jemqorlyq faktilerine jáne basqa da sybaılas jemqorlyq quqyq buzýshylyqtarǵa qatysty árqashan ashyq pozıtsııany ustanady. Sondyqtan sotqa deıinge tergeý amaldaryna jan-jaqty qoldaý bildirýde, — dep jazdy «QazaqGaz» UK AQ baspasóz qyzmetiniń basshysy Maqsat Tólegenov Facebook-tegi paraqshasynda. 

Buǵan deıin Antıkor QazaqGaz baǵynyshty uıymynda tergeý júrip jatqanyn rastaǵanyn jazǵan bolatynbyz.