QazaqGaz jáne CNPC tasqyn sý saldaryn joıý úshin qosymsha 1 mıllıard teńge jiberdi

<p>ASTANA. KAZINFORM - &laquo;QazaqGaz&raquo; UK&raquo; AQ men Trans-Asia Gas Pipeline Company Limited (CNPC enshiles kásiporny) birlesken kásiporny &ndash; &laquo;Azııalyq Gaz qubyry&raquo; JShS sý tasqynynan zardap shekkenderge kómek kórsetý úshin &laquo;Samruk-Kazyna Trust&raquo; korporatıvtik qoryna 1 mlrd.teńge jiberdi.</p>

Kompanııa basshylyǵynyń qatysýymen kórsetilgen somaǵa sertıfıkatty resmı tapsyrý sharasy ótti.

Buǵan deıin «QazaqGaz» UK» AQ basshylyǵy ulttyq kompanııamen birlesip jumys isteıtin barlyq transulttyq kásiporyndardy tasqyn sýmen kúresip jatqan halyqty qoldaýǵa shaqyrǵan bolatyn. Alǵashqylardyń biri bolyp Qytaı ulttyq munaı korporatsııasy (CNPC) jaýap berdi. «Azııa Gaz qubyry» JShS óz aktsıonerlerine úndeýinen keıin, «QazaqGaz» UK» AQ men CNPC qaıyrymdylyq bastamasyn qoldady. Birlesken kásiporynnyń baqylaý keńesiniń sheshimimen qarjylaı kómek bólindi.

Foto: «QazaqGaz» UK» AQ

Aıta ketý kerek, kompanııalar tobynyń qyzmetkerleri de apattyq-qutqarý jumystaryna úles qosyp, eriktiler jasaqtaryn qurdy.

Atap aıtqanda, «Azııa gaz qubyry» JShS jergilikti kásipodaǵy Atyraýǵa quny 10 mıllıon teńgeden asatyn gýmanıtarlyq kómek jóneltti. Sonymen qatar, QazaqGaz Jastary Jastar keńesi bir kúndik jalaqyny jınaýǵa bastamashy boldy, sonymen qatar, jaǵalaýlardy qorǵaý jumystaryna qatysty.

Sonymen qatar, QazaqGaz kompanııalar tobynyń qyzmetkerleri sý tasqynynyń saldaryn joıý sharalaryn jalǵastyrýda. Atap aıtqanda, tabıǵı apattan zardap shekken aımaqtardaǵy gaz nysandarynda sý tasqynynan keıingi jumystar júrgizilýde. QazaqGaz kompanııalar toby da zardap shekken aımaqtardy qoldaý úshin qosymsha sharalar qabyldaýda.