QazaqGaz sý tasqyny bolǵan aımaqtarǵa kómek retinde 1 mlrd teńge bólip otyr

<p>ASTANA. KAZINFORM&nbsp;&mdash; &laquo;QazaqGaz&raquo; UK&raquo; AQ ortalyq apparatynda óńirlerde oryn alǵan sý&nbsp;tasqynyna qatysty jedel shtabtyń kezekti otyrysy ótti. Atalǵan shara ulttyq kompanııa basshysy Sanjar Jarkeshov pen enshiles jáne baǵynysty kásiporyndary bas dırektorlarynyń, óndiristik fılıal basshylarynyń qatysýymen ótti. Kezdesý beınekonferentsııa baılanysy arqyly uıymdastyryldy.</p>

Jedel shtab otyrysy aıasynda qatysýshylar tasqyn sý saldaryn joıý men zardap shekken óńirlerdiń turǵyndaryna kórsetilip jatqan kómek jaıyn talqylady.

«QazaqGazdyń barlyq qyzmetkerlerine tasqyn sýdan zardap shekken óńirlerdiń turǵyndaryna kórsetip jatqan qoldaýlaryńyz úshin alǵys bildiremin. Erikti retinde jasap jatqan jumystan bólek, gaz mamandary tótenshe jaǵdaı kezinde halyqty tabıǵı gazben úzdiksiz ári qaýipsiz qamtamasyz etip jatyr», — dedi QazaqGaz Basqarma tóraǵasy Sanjar Jarkeshov.

Sonymen qatar ol QazaqGaz ulttyq kompanııasy Samuryq-Qazyna qorynyń portfeldik kompanııasy retinde sý tasqynynan zardap shekkenderge 1 mlrd teńge bóletinin jetkizdi.

Búgingi tańda óńirlerde apattyq-qutqarý jáne sý tasqynyna qarsy jumystarǵa QazaqGaz kompanııalar tobynyń 915 qyzmetkeri, shamamen 205 tehnıkasy jumyldyrylǵan.

Foto: «QazaqGaz» UK» AQ baspasóz qyzmeti

Sondaı-aq Qashaǵandaǵy GÓZ qurylysyna tartylǵan 99 tehnıka da tasqyn sýmen kúreske baǵyttalǵan.

Sý basqan aımaqtarda eriktiler jasaqtary quryldy.

Kompanııalar tobynyń jumysshylary arasynan shyqqan belsendiler óz erkimen azyq-túlik satyp alýǵa bastama kóterip, ystyq tamaq ázirlep jatyr.

Tabıǵı gaz sý basqan óńirlerden basqa jerlerge kóshirilgen abonentterdi eseptemegende, úzdiksiz jetkizilip jatyr.