QazaqGaz maınerlerge gazdy qymbatqa satýdy usyndy
«Ulttyq operatordyń 2022-2023 jyldardaǵy kúz jáne qys kezeńinde bolatyn shyǵynyna toqtalyp óteıin. Gaz jáne gazben qamtý týraly zańǵa sáıkes, bizdiń osy saladaǵy retteý saıasatymyz tıisti jyldyń shilde aıynan kelesi jyldyń shilde aıyna deıin qurylady. Osy oraıda aldyn ala esepteýler boıynsha shyǵyn samasy 184 mlrd teńgege jýyqtaıdy. Jer qoınaýyn paıdalanýshylardan gaz 13 750 teńgeden satyp alynsa, tasymaldaý quny 11 459 teńge bolsa, gazdyń bastapqy baǵasy 25 209 teńge bolýy kerek. Degenmen, ortasha alynǵan kóterme baǵa 15 419 teńge deńgeıinde qalyptasyp otyr. Árbir satylǵan tekshe metrden keletin shyǵyn 10 teńge shamasynda», - dedi A. Qasenov qoǵamdyq keńestiń otyrysynda.
Onyń aıtýynsha, elimiz boıynsha ortasha bólshek baǵa 21 912 teńgeni qurady.
«Al, shyn máninde qalaı bolýy kerek? Jer qoınaýyn paıdalanýshydan 13 750 teńgeden satyp alynyp, tasymaldaýǵa 11 459 teńge qosylsa, osy oraıda 25 myń teńge shyǵyp tur. Ulttyq operatordyń 10 paıyz tabysy normasyn eskersek, gazdyń kóterme saýda baǵasy 27 730 teńgege jetedi. Al bólshek saýda baǵasy 34 myń teńgeni quraýy tıis», - dedi ol.
Onyń sózine qaraǵanda, bul qadamdar gazdyń qosymsha kólemin alýǵa jol ashady.
«Jaqyn arada ishki naryqta gaz baǵasyn bir rettik ósirýdiń saldary aýyr bolýy múmkin. Bizde bólshek tutynýshylardyń 9 sanaty bar jáne olarǵa taǵy ekeýin qosýdy usyndyq. Bul iri kommertsııalyq tutynýshylar men tsıfrlyq maınıng salasyndaǵylar. Іri kommertsııalyq tutynýshylar – eksportqa baǵyttalǵan tasymaldy júzege asyratyndar. Tsıfrlyq maınıngtegiler qazirgi kezde arzan gazdy alyp jatyr», - dedi Arman Qasenov.
Osy oraıda kommertsııalyq tutynýshylar 2,5 mlrd tekshe metr gazdy alsa, maınerlerge 800 mln tekshe metr baǵyttalyp otyr.