Prezıdent jastar kadr rezerviniń múshesi QazaqGaz ulttyq kompanııasyna basshylyq qyzmetke taǵaıyndaldy

<p>&laquo;QazaqGaz&raquo; UK&raquo; AQ basqarma tóraǵasy Sanjar Jarkeshov &laquo;QazaqGaz ǵylymı tehnıkalyq ortalyǵy&raquo; JShS ujymyna jańa basshy Meıir Sherálini tanystyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«QazaqGaz»UK» AQ dırektorlar keńesiniń sheshimimen «QazaqGaz ǵylymı tehnıkalyq ortalyǵy» JShS enshiles uıymynyń bas dırektory laýazymyna Meıir Nurtaıuly Sheráli taǵaıyndaldy.

Meıir Sheráli 2010 jyly Ulybrıtanııanyń Manchester ýnıversıtetin munaı jáne gaz ınjeneri mamandyǵy boıynsha támamdaǵan.

Eńbek jolyn 2010 jyly QR Munaı jáne gaz mınıstrliginen bastaǵan.

Munaı jáne gaz salasyndaǵy halyqaralyq kompanııalarda óndiristik tájirıbesi mol.

2011 jyldan 2022 jylǵa deıin Baker Hughes transulttyq munaı servısi kompanııasynda birqatar laýazymdy qyzmetterde boldy.

Atap aıtqanda, Shyǵys Kaspıı óńiri boıynsha bıznesti damytý bóliminiń basshysy, Qazaqstan men Ózbekstandaǵy «Munaı servıstik qyzmetteri» kompanııasynyń dırektory, «Baker Hughes ZMS» BK JShS jáne «Baker Hughes Kazakhstan» JShS bas dırektory qyzmetterin atqardy.

Taıland, Malaızııa, Ázerbaıjan, Túrikmenstan elderinde jumys istegen ýaqytta ken oryndaryn burǵylaý jáne ońtaılandyrý salasynda birneshe jobany iske asyrdy.

Sonymen qatar, Lýkoıl, Shevron, Teńizshevroıl, KPO, Petronas, Jaıyqmunaı jáne basqa da kompanııalardyń qyzmetine qatysty birqatar mańyzdy jobalardy júzege asyrýǵa qatysty.

Osyǵan deıin «Samruk-Kazyna Ondeu» JShS (burynǵy Birlesken hımııalyq kompanııa) basqarma tóraǵasy qyzmetin atqardy.

Prezıdenttik jastar kadr rezerviniń múshesi.