«QazaqGaz» ben «Gazprom» Qazaqstan arqyly tabıǵı gaz tranzıti týraly kelisim jasasty

<p><strong>ASTANA. KAZINFORM &ndash; &laquo;QazaqGaz&raquo; UK&raquo; AQ basqarma tóraǵasy Sanjar Jarkeshov jáne &laquo;Gazprom&raquo; JAQ basqarma tóraǵasy Alekseı Mıller reseılik tabıǵı gazdy Qazaqstan aýmaǵy arqyly Ózbekstan men Qyrǵyzstanǵa 2040 jyldyń sońyna deıin tasymaldaýdy uıymdastyrý týraly sharttarǵa qol qoıdy.&nbsp;</strong></p>

Qujattarǵa Peterbýrg halyqaralyq ekonomıkalyq forýmy aıasynda QR Premer-Mınıstriniń birinshi orynbasary Roman Sklıardyń qatysýymen qol qoıyldy.

Budan bólek, Roman Sklıar men Alekseı Mıller «Orta Azııa – Ortalyq IV» magıstraldyq gaz qubyryn Reseı gazyn Ózbekstanǵa tasymaldaýdy ulǵaıtýǵa daıyndaý jónindegi is-sharalar josparyna qol qoıdy.

Bul jobalar Qazaqstannyń gaz tasymaldaý júıesiniń tranzıttik áleýetin keńeıtýge jáne respýblıkanyń gaz salasy úshin ekonomıkalyq paıdany ulǵaıtýǵa múmkindik beredi. Sondaı-aq óńirlik energetıkalyq qaýipsizdikti nyǵaıtýǵa aıtarlyqtaı úles qosady. 

Foto: QR Úkimeti

Sonymen qatar Peterbýrg halyqaralyq ekonomıkalyq forýmy aıasynda Qazaqstan Respýblıkasy Premer-Mınıstriniń birinshi orynbasary Roman Sklıar RF Úkimeti Tóraǵasynyń birinshi orynbasary Denıs Mantýrovpen kezdesý ótkizdi. 

Taraptar ekijaqty ózekti ózara is-qımyl máselelerin jáne ónerkásiptik kooperatsııa boıynsha birlesken jobalardyń iske asyrylý barysyn qarastyrdy.

Roman Sklıar QR men RF arasyndaǵy 2019 jyly qol qoıylǵan ónerkásip salasyndaǵy bes jyldyq merzimge birlesken is-qımyl baǵdarlamasynyń Jol kartasynyń mańyzdylyǵyn atap ótti. Bul eki eldiń ónerkásiptik jobalar portfelin aıtarlyqtaı arttyrýǵa múmkindik berdi. 

Foto: QR Úkimeti

Sondaı-aq Peterbýrg halyqaralyq ekonomıkalyq forýmy aıasynda QR Premer-Mınıstriniń birinshi orynbasary Roman Sklıar RF Úkimeti Tóraǵasynyń orynbasary Aleksandr Novakpen kezdesti. 

Kelissóz barysynda eki eldiń ekonomıka jáne otyn-energetıka salasyndaǵy yntymaqtastyq máseleleri qaraldy.

Taraptar Kaspıı qubyr konsortsıýmynyń (KQK) turaqty jumysyn atap ótti.

Kókshetaý, Semeı jáne Óskemen qalalarynda úsh kómir jylý elektr stantsııalaryn salý jónindegi iri jobany iske asyrýdyń bastalýyna baılanysty máselelerge erekshe nazar aýdaryldy.