Qazaq Bank aktsıoneri Baqyt Ibragımniń ólimine qatysty is jabyldy

<p>ALMATY. KAZINFORM - Qazaqstandyq kásipker, Qazaq Bank-tiń burynǵy aktsıoneri Baqyt Ibragımniń ólimine qatysty qylmystyq is toqtatyldy. Bul týraly Almaty polıtsııa departamentinen málim etti.</p>

Atalǵan derek boıynsha Almaly aýdandyq polıtsııa basqarmasy QR QK-niń 105-baby 1-bóligimen sotqa deıingi tergep-tekserýdiń biryńǵaı tizilimine tirkelgen qylmystyq is aıasynda tergeý amaldaryn júrgizdi. Tıisti saraptamalyq zertteýler taǵaıyndaldy.

«Júrgizilgen tergeý is-sharalar kesheniniń qorytyndysy boıynsha QR QK-niń 35-baby 1-bóligi 2-tarmaǵy negizinde qylmystyq is toqtatyldy. Bul sheshimdi Almaty qalasy Almaly aýdanynyń prokýratýrasy bekitti»,- dep habarlady vedomstvodan.

Osyǵan deıin, Almatyda Qazaq Bank-tiń burynǵy aktsıoneri Baqyt Ibragımniń denesi tabylǵany týraly jazǵan edik.

Eske salaıyq, 2018 jyly halyqaralyq izdeý jarııalanǵan Baqyt Ibragım Germanııadan ekstradıtsııalanǵan bolatyn. Ol «Bank RBK» AQ-nan asa iri kólemde aqshalaı qarajatty alaıaqtyq jolmen jymqyrdy degen kúdikke ilingen bolatyn.