Qazaqstandyq áýekompanııa Túrkistan – Samarqand baǵytynda áýe reısin ashady

<p>ASTANA. KAZINFORM &ndash; QR Kólik mınıstrliginiń Azamattyq avıatsııa komıteti áýe kompanııalarmen birlese otyryp Qazaqstanǵa reıster sanyn odan ári arttyrý jáne ushý geografııasyn keńeıtý jumystaryn jalǵastyryp jatyr.</p>

Azamattyq avıatsııa komıtetiniń málimetinshe, osy jyldyń 15 naýryzynan bastap Qazaq Air áýekompanııasy Túrkistan – Samarqand baǵyty boıynsha reısterdi iske qosýdy josparlap otyr. Reıster aptasyna 2 ret (juma, jeksenbi kúnderi) De-Havilland Dash 8-Q400 tıpti áýe kemelerinde oryndalady.

Áýe qatynasynyń artýy Qazaqstan men Ózbekstan arasyndaǵy saýda-ekonomıkalyq, iskerlik, ınvestıtsııalyq jáne týrıstik yntymaqtastyqty odan ári damytýǵa yqpal etetin bolady.