«Qazaq Air» kompanııasynyń áýe reısteri kestesi ózgeredi

<p>ASTANA. KAZINFORM &ndash; Elimizdiń biryńǵaı ýaqyt beldeýine kóshetindigine baılanysty 1 naýryzdan bastap &laquo;Qazaq Air&raquo; áýe kompanııasynyń reıster kestesine ózgerister engiziledi.&nbsp;</p>

Úkimettiń 2024 jylǵy 19 qańtardaǵy № 20 qaýlysyna sáıkes 5-shi saǵat beldeýi (UTC +5) Qazaqstan Respýblıkasynyń búkil aýmaǵyna qoldanylady. Sondaı-aq 2024 jylǵy 29 aqpannan 2024 jylǵy 1 naýryzǵa qaraǵan túni (saǵat 00:00-de) jergilikti ýaqyt 1 saǵatqa (Astana, Almaty, Shymkent qalalary, Abaı, Aqmola, Almaty, Jambyl, Jetisý, Qaraǵandy, Qostanaı, Pavlodar, Soltústik Qazaqstan, Túrkistan, Ulytaý, Shyǵys Qazaqstan oblystary) keıin shegeriledi.

Osyǵan baılanysty, «Qazaq Air» áýe kompanııasy kelesini habarlaıdy: 

2024 jyldyń 29 qańtaryna deıin Astana, Almaty, Aqtóbe, Atyraý, Oral, Shymkent, Kókshetaý, Qostanaı, Pavlodar, Petropavl, Túrkistan, Qyzylorda, Óskemen, Taldyqorǵan jáne Jezqazǵan qalalaryna/qalalarynan reısterge áýe bıletterin satyp alǵan jolaýshylarǵa ushý ýaqyty 2024 jyldyń 1 naýryzynda 00:01-den bastap (Astana ýaqyty boıynsha) reıs bılette kórsetilgen ýaqyttan 1 saǵat buryn oryndalatynyna nazar aýdarý qajet!

«Bıylǵy jyldyń 29 qańtarynan keıin áýe bıletterin satyp alǵan jolaýshylardyń joǵaryda atalǵan baǵyttar boıynsha áýe bıletterinde jańa beldeýge sáıkes ýaqyt kórsetilgenin atap ótemiz. Ushý jáne kelý ýaqytynyń ózgerýi týraly aqparat jolaýshylarǵa SMS-habarlamalar túrinde jáne áýe bıletterin satyp alý kezinde kórsetilgen mekenjaılarǵa elektrondyq poshta arqyly jiberildi», - deıdi áýe kompanııasynan.

Suraqtar týyndaǵan jaǵdaıda jolaýshylar [phone] nómirli qoldaý qyzmetine habarlasa alady.