Qazaq Air-di satý: ınvestor birqatar mindetti oryndaıdy

<p>ASTANA. KAZINFORM &mdash; Jaqynda &laquo;Samuryq-Qazyna&raquo; Qazaq Air aktsııalaryn satyp alý-satý shartyna qol qoıylǵanyn jarııalady. Osy oraıda Qazaq Air kompanııasy eldiń áýe kóligi naryǵynda qyzmetin jalǵastyrýyna qatysty derekter naqtylandy.</p>

- 2024 jylǵy 24 jeltoqsanda Qor jáne «Central Asia Aviation Holdings Limited» JK men «Kazasia Holdings Limited» JK arasynda «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» QR Zańynyń talaptaryn ustana otyryp, mindetti tranzaktsııalyq qujattar paketine, onyń ishinde «Qazaq Air» AQ aktsııalaryna qatysty satyp alý-satý shartyna qol qoıyldy. Bul rette, satyp alý-satý shartynyń talaptaryna sáıkes, QAZAQ AIR aktsııalaryn satyp alýshylardyń paıdasyna berý aldyn ala talaptar oryndalǵannan keıin júzege asyrylady. Satyp alý-satý shartynyń talaptarynda ınvestordyń Boeing jáne Airbus (tar fıýzelıajdy nemese keń fıýzelıajdy) tobynyń 20 bortyn 5 jyl ishinde (qosymsha 2 jylǵa uzartý múmkindigimen) jetkizý jónindegi mindettemeleri kózdelgen, - delingen Samuryq-Qazyna» AQ-nyń Kazinform agenttigine bergen jaýabynda.

Qol qoıylǵan tranzaktsııalyq qujattardyń sharttaryna sáıkes, taraptarǵa qupııalylyq talaptaryn saqtaý boıynsha mindettemeler qoıylatynyn eskere otyryp, qosymsha aqparatty ashý múmkin emes.

- Mámileniń maqsaty – azamattyq avıatsııanyń otandyq naryǵyn odan ári damytý, onyń ishinde básekelestikti arttyrý, Qazaqstan Respýblıkasynan/ Respýblıkasyna halyqaralyq turaqty reısterdi kóbeıtý, jumys oryndaryn qurý jáne basqa da is-sharalar eskerilgen. Bul óz kezeginde el ekonomıkasynyń aralas sektorlaryna – logıstıkalyq salaǵa, saýdaǵa, týrızmge jáne basqalarǵa da oń áser etedi dep qarastyrylǵan, - dep atalyp ótken qor aqparatynda.

Eske salsaq, byltyr jeltoqsannyń aıaǵynda «Samuryq-Qazyna» Qazaq Air aktsııalaryn satyp alý-satý shartyna qol qoıylǵanyn habarlady.

2023 jyly Qazaqstan Vetnamnyń VietJet Air áýe kompanııasymen memorandým jasaǵan edi.