«Qazaq air» áýe kompanııasy ushaǵynyń neden zaqymdanǵany tekserilip jatyr

NUR-SULTAN. QazAqparat - Aǵymdaǵy jyldyń 24 shildesinde Óskemennen Nur-sultan qalasyna ushyp kelgen «Qazaqair» áýe kompanııasynyń ushaǵynan fıýzelıajdyń tómengi, ortańǵy jáne ortalyq bóligine naızaǵaı túsýi múmkin.

Bul týraly QR Indýstrııa jáne ınfraqurylymdyq damý mınıstrliginiń Telegram-paraqshasynan málim boldy.

«Qazaqair» aq áýe kompanııasy zaqym kelgen jerlerdi tekserý boıynsha tehnıkalyq komıssııa qurdy. Osylaısha, dıametri 2 mm-den 6 mm-ge deıin, qalyńdyǵy 1 mm-den 2.5 mm-ge deıin segiz zaqymdaný belgileri tabyldy. Bul ushý baǵyty boıynsha naızaǵaıdan kelýi múmkin zııan.

«De Havilland Aircraft of Canada Limited» ÁK óndirýshi kompanııasynyń servıstik qyzmet kórsetý jáne tehnıkalyq súıemeldeý qyzmeti planer konstrýktsııasyn jóndeý jónindegi nusqaýlyqqa sáıkes, jóndeý jumystaryn júrgizýdi usyndy. Qazirgi ýaqytta ushaq paıdalanylmaıdy. Ol qaptamasyndaǵy zaqymdanǵan jerler jóndelgennen keıin jáne áýe kemesin paıdalanýǵa ruqsat berý týraly tehnıkalyq akti usynylǵan soń ǵana ushaqty paıdalaný máselesi sheshiledi.

«Osy jáıt avıatsııalyq oqıǵalar men ıntsıdentterdi tekserý qaǵıdalaryna sáıkes azamattyq avıatsııa salasyndaǵy ýákiletti organ komıssııasynyń tekserýine jatpaıdy. «Qazaqair» aq áýe kompanııasy avıatsııalyq oqıǵaǵa jeke tekserý júrgizýde»,-delingen mınıstrlik taratqan aqparatta.