Qarmet aktsııalaryna memleket qarajaty jumsalǵan joq – Ónerkásip mınıstri

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev Qarmet kompanııasyna kredıttik jeliniń ashylýy týraly aqparatqa qatysty túsinik berdi.</p>

«Qarmet-tiń 100 paıyzdyq aktsııa paketin jáne qubyr zaýytyn satyp alýǵa memlekettiń aqshasy jumsalmady. Kásiporynnyń qalypty jumys isteýine, Temirtaý qalasynyń ekologııalyq jaǵdaıyn jaqsartýǵa, osy kásiporynnyń ónim túrin keńeıtýge ınvestıtsııa salýǵa qarjy tartý múmkindigi bar. Osyny bıznes júrgizýde iskerlik tájirıbe dep sanaımyn», - dedi Q. Sharlapaev Parlament Májilisinde tilshiler suraǵyna jaýap bere otyryp.

Onyń aıtýynsha, kásiporyndy damytý kerek jáne osy baǵytta qarajat qajet.

«Eger kásiporyn bolashaqta qarjylandyrýdy alyp, Qazaqstannyń basqa bankterimen birge nesıe tartsa, onda turǵan eshqandaı aıyby joq», - dedi mınıstr.

Buǵan deıin BAQ-ta Qazaqstannyń damý banki «Qarmet» AQ-ǵa nesıe jelisin ashqany habarlanǵan edi.

Eske salsaq, 2023 jyldyń aıańynda «ArselorMıttal Temirtaý» resmı túrde QARMET bolyp ózgerdi.