ASTANA. KAZINFORM – Qazaqstannyń ekinshi, álemniń 27-raketkasy ıÝlııa Pýtıntseva Nottıngem (Ulybrıtanııa) WTA 250 týrnıriniń ekinshi aınalymyna joldama aldy.
Jarystyń 4-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 577-orynda turǵan brıtanııalyq, 16 jastaǵy Hanna Klagmenmen ótkizdi.
Eki sette de 6:2 esebi tirkeldi.
Bir saǵat 10 mınýtqa sozylǵan básekede Pýtıntseva 1 eıspen birge 7 breık-poınttyń altaýyn múlt jibergen joq. Klagmen 2 breıkpen kózge tústi.
ıÝlııa Pýtıntseva shırek fınalǵa shyǵý úshin álemniń 38-raketkasy, slovakııalyq Rebekka Shramkova nemese reıtıngide 106-satydaǵy germanııalyq Laýra Zıgemýndtyń qaı jeńgenimen talasady.
Júlde qory 275 myńnan astam dollarǵa baǵalanǵan Nottıngem dodasy 22 maýsymda máresine jetedi.
Ótken jyly ıÝ.Pýtıntseva bul týrnırge qatyspaǵan edi.
Eske sala keteıik, budan buryn 17 jasar Ámir Omarhanovtyń álemdik reıtıngide úzdik kórsetkishke qol jetkizgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).