Pýtın ýran, tıtan jáne nıkel eksportyn shekteýdi usyndy

<p>ASTANA. KAZINFORM — Reseı keıbir strategııalyq shıkizatty, mysaly, ýran, tıtan nemese nıkeldi ózine zııan keltirmeı syrtqy naryqqa jetkizýdi shekteı alady. Reseı prezıdenti Vladımır Pýtın úkimetpen keńes barynda osy máseleni oılastyrýdy tapsyrdy, dep habarlaıdy <a href="https://tass.ru/ekonomika/21839083" target="_blank" rel="noopener">TASS</a> aqparat agenttigi.  </p>

«Bizge birqatar taýarlardy jetkizý shektelip jatyr. Biz de belgili bir shekteý qoıýymyz kerek shyǵar?» — dedi Pýtın.

Onyń aıtýynsha, áńgime Reseı Federatsııasynyń álemdik naryqqa úlken kólemde jetkizip otyrǵan keıbir taýar túrleri týraly bolyp otyr.

«Ýran, tıtan, nıkel. Ózimizge zııan keltiretin eshteńe jasamańyzdar», — dedi Pýtın.

Onyń aıtýynsha, osy jáne ózge de birqatar taýardy «syrtqy naryqqa jetkizýge belgili bir shekteýler jaıynda oılaný kerek».

Pýtın Reseıdiń strategııalyq shıkizat qory boıynsha kóshbasshy ekenin eske saldy: onda tabıǵı gazdyń 22% derlik, altynnyń 23% jýyq jáne almazdyń 55%-ǵa tarta úlesi bar.

«Keı elderde strategııalyq qor qurylyp, basqa da sharalar qabyldanyp jatyr, jalpy, eger bul bizge zııan tıgizbese, onda oılanýǵa bolady (men muny erteń isteý kerek dep aıtpaımyn, biraq bul týraly oılanyńyzdar). Men ataǵan taýarlarǵa ǵana emes, keıbir basqalaryna da syrtqy naryqqa jetkizýge belgili bir shekteýler týraly aıtyp otyrmyn», — dedi ol úkimetke tapsyrmasynda.