Pýtın OPEK-tiń munaı óndirisin shekteý kelisimine qosylatyndyǵyn málim etti
Reseı tıisti kelisimge qosylýǵa daıyn. Bul týraly dúısenbi, 10 qazan kúni Ystambulda ótken Álemdik energetıka kongresiniń arnaıy sessııasynda Reseı Prezıdenti Vladımır Pýtın málimdedi, dep habarlaıdy QazAqparat TASS agenttigine silteme jasap.
«Reseı óndiristi shekteý jónindegi birlesken sharalarǵa qosylýǵa daıyn jáne ózge de munaı eksporttaýshylardy osylaı isteýge shaqyrady», - dedi V.Pýtın. RF naqty kelisimderge qarasha aıynda OPEK elderiniń kezdesýinde qol jetkiziledi dep úmittenedi.
Reseı Prezıdentiniń málimdemesi aıasynda munaı baǵasy ósimin jalǵastyrdy.
10 qazan kúni Saýd Arabııasynyń energetıka mınıstri Halıd Al-Falıh 2016 jyldyń sońyna qaraı munaı baǵasynyń barelli 60 dollarǵa jetetinin málimdegen edi.
Ystambulda ótetin kongress jumysy barysynda OPEK-qa múshe jáne uıymǵa kirmeıtin memleketter arasynda munaı óndirisin shekteý máselesi jóninde keńester ótedi. Beıresmı kezdesýge Reseı, Saýd Arabııasy, Ázerbaıjan, Aljır, Venesýela, Gabon, Katar, Kýveıt jáne Birikken Arab Ámirlikteri ókilderi qatysady.
Munaı óndirisin shekteý týraly OPEK elderi 28 qyrkúıekte kelisken bolatyn.