Pýtın Qytaı Memlekettik keńesiniń premerin qabyldady

<p>ASTANA. KAZINFORM &ndash; Reseı prezıdenti Vladımır Pýtın Qytaı Halyq Respýblıkasy Memlekettik keńesiniń tóraǵasy Lı Tsıanmen kezdesti. Kezdesý Kremlde ótti, dep habarlaıdy <a href="https://tass.ru/politika/21653923" target="_blank" rel="noopener">TASS </a>aqparat agenttigi.&nbsp;</p>

Lı Tsıan Reseıge áriptesi premer-mınıstr Mıhaıl Mıshýstınniń shaqyrýymen keldi. Reseı basshysymen kezdesý aldynda eki eldiń premer-mınıstrleri Reseı Federatsııasy men Qytaı Halyq Respýblıkasy úkimet basshylarynyń kezekti 29-shy otyrysyn ótkizip, saýda-ekonomıkalyq jáne mádenı-gýmanıtarlyq yntymaqtastyqty keńeıtý máselelerin talqylady. Ónerkásip, energetıka, aýyl sharýashylyǵy jáne kólik salalaryndaǵy birlesken jobalardy ilgeriletýge basa nazar aýdaryldy.

Pýtın men Lı Tsıan sońǵy ret mamyr aıynda Reseı basshysynyń Qytaıǵa memlekettik sapary kezinde kezdesken. Odan keıin Reseı prezıdenti Qytaı premer-mınıstrin Máskeýde kútetinin atap ótti.

Reseı prezıdenti Máskeý men Beıjiń arasyndaǵy ózara saýdanyń tabysty damyp kele jatqanyn málimdep, eki el úkimetteriniń bul baǵyttaǵy oń jumystaryn atap ótti. 

«Bizdiń saýda-sattyq qarym-qatynastarymyz tabysty damyp keledi. Sonyń ishinde qytaılyq dostarymyzdyń kúsh-jigeriniń arqasynda ósip jatyr. Eki el úkimetteriniń saýda-ekonomıkalyq qarym-qatynastarǵa kóńil bólýi óz jemisterin berýde», - dedi Pýtın.

Reseı Prezıdenti buǵan deıin ótken Reseı Federatsııasy men Qytaı úkimet basshylarynyń kezdesýiniń qorytyndylary týraly habardar bolǵanyn aıtty. Onyń atap ótýinshe, taraptar Máskeý men Beıjiń arasyndaǵy saýda-ekonomıkalyq jáne gýmanıtarlyq yntymaqtastyqtyń barlyq aýqymyn egjeı-tegjeıli talqylady.

«Ózara tıimdi kooperatsııaǵa baǵyttalǵan birqatar ekijaqty qujattarǵa qol qoıyldy», - dep qosty ol.