Pýtın Qazaqstan Prezıdentiniń Teleradıokeshenine suhbat berdi
21:21, 04 Mamyr 2018
ASTANA. QazAqparat - Memleket basshysy Nursultan Nazarbaevtyń Reseıge sapary qarsańynda QR Prezıdentiniń Teleradıokesheniniń shyǵarmashylyq toby Sochıge baryp, aldaǵy ýaqytta jaryq kóretin derekti fılmniń túsirilim jumystaryn júrgizdi, dep habarlaıdy QazAqparat tilshisi.
QR Prezıdenti Teleradıokesheniniń bas dırektory Erlan Bekhojın atalǵan fılmge oraı Reseı Prezıdenti Vladımır Pýtınnen suhbat aldy jáne óziniń «Úlken saıasat syrtyndaǵy áńgimeler» («Za kýlısamı bolshoı polıtıkı») atty kitabyn syıǵa tartty.
Atalǵan kitap QR Prezıdenti Teleradıokesheniniń 20 jyldyq mereıtoıyna oraı shyǵarylǵan bolatyn. Oǵan Memleket basshysynyń qyzmeti jaıynda Teleradıokeshen túsirgen úzdik derekti fılmderdiń ádebı turǵyda óńdelgen stsenarııleri kirgen. Kitap álem memleket basshylarynyń túrli kezdesýleri, forýmdary men qabyldaýlary túrli-tústi sýrettermen bezendirilgen.