Pýtın Qazaqstan Prezıdentine shaqyrýyn qabyl alyp, Sochıge kelgenine alǵys aıtty
«Shaqyrýymdy qabyl alǵanyńyzǵa rahmet. Biz ekeýimiz únemi kezdesip turamyz. Jaqynda ǵana júzdesken edik, biraq biz Sochıde kezdesýge kelistik. Aldymyzda óte aýqymdy jumys bar. Al bıylǵy jyl erekshe. Biz qazan aıynda dıplomatııalyq qarym-qatynastyń 30 jyldyǵyn atap ótemiz. Osy dataǵa oraı túrli is-sharalar josparlanyp otyr. Bizdiń mınıstrlikter men vedomstvolar belsendi jumys istep jatyr. Úkimetaralyq komıssııa qarqyndy jumys istep keledi», - dedi V.Pýtın.
Reseı Prezıdenti atap ótkendeı, syrtqy ister, qorǵanys mınıstrlikteri birlesip túrli is-sharalardy, sonyń ishinde UQShU aıasyndaǵy birlesken oqý-jattyǵýlardy jáne taǵy basqalaryn daıyndap jatyr.
«Taýar aınalymy ósip keledi. Byltyr 34,4 paıyzǵa ósse, bıyl bes aıda 9 paıyzǵa derlik, 8,8 paıyzǵa ósti. Investıtsııalar eki jaqtan da artyp keledi. Menińshe, Reseı ınvestıtsııasy 18 mıllıard dollarǵa jetti, al Qazaqstannyń Reseıge ınvestıtsııa tórt jarym mıllıard shamasynda. Qazaqstannyń saýda-ekonomıkalyq seriktesteri arasynda Reseı birinshi orynda keledi. Biz sondaı-aq jaqsy iri jobalardy ázirlep jatyrmyz. Joǵary tehnologııalyq salalarda, sonyń ishinde ǵarysh salasynda jumys isteımiz. Jalpy, jumys barlyq baǵyttar boıynsha aıtarlyqtaı qarqyndy ári oń baǵytta júrip jatyr. Bizdiń kezdesýimiz, árıne, bizdiń senimdi strategııalyq seriktestigimizdi damytýǵa qosymsha serpin beretinine óte qýanyshtymyn», – dedi V.Pýtın.
Foto: t.me/bort_01