Psıhologtyń baqylaýynda bolǵan áskerıler qarýmen kezekshilikke shyqqan - prokýratýra

ASTANA. QazAqparat - Bas áskerı prokýrordyń birinshi orynbasary Maqsat Qazıev jeke quramdy psıhologııalyq qoldaý jumystarynda kemshilikter bar ekenin aıtty, dep habarlaıdy QazAqparat tilshisi.

«Jeke quramdy psıhologııalyq qoldaý jumystarynda kemshilikter bar. Arnaýly dınamıkalyq baqylaý tobyna engen áskerılerdiń táýliktik narıadqa, onyń ishinde qarýmen kezekshilikke túsýine jol berý derekteri anyqtaldy. Psıhologtardy daıarlyqtan ótkizý talaptary oryndalmaı jatyr», - dedi M. Qazıev Senatta áskerı qyzmetshilerdiń densaýlyǵyna qatysty máseleni talqalaý kezinde.

Osy oraıda ol psıholog mamandyǵyn alǵan keıbir áskerı qyzmetshiler óz salasyn tıisti deńgeıde meńgermegenin aıtty.

«Taǵy bir mańyzdy másele – ol jeke quramnyń psıhologııalyq testileýden uzaq ótýi. Sebebi, bul qujattar qaǵaz júzinde qolmen toltyrylady. Sondyqtan bul baǵytta tsıfrlyq tehnologııalardy qarqyndy engizý kerek», - dedi Maqsat Qazıev.