Psıhologııalyq kýrstan ótken otbasylarda turmystyq janjal qaıtalanbaıdy – ІІM

<p>Іshki ister mınıstrliginiń málimetinshe, otbasynda zorlyq-zombylyq kórsetip, janjal shyǵaratyndar psıhologııalyq kómekten keıin túzeledi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Otbasynda zorlyq-zombylyq kórsetken 6 myń quqyq buzýshy sottyń sheshimimen qamaýǵa alyndy. 13 myń otbasy sot barysynda tatýlasty. Polıtsııa jumysynyń servıstik modeline kóshý aıasynda qaýipti otbasynda kúsh kórsetýshilerdi anyqtaý jáne olardy áleýmettendirý jumystary júrgizilip jatyr. Olarǵa jeke túrde psıhologııalyq trenıngterden óz erkimen ótý usynylady», - dedi ІІM Ákimshilik polıtsııa komıtetiniń basqarma bastyǵy Rýslan Qarjaspekov mınıstrlikte ótken baspasóz máslıhatynda.

Spıkerdiń málimdeýinshe, otbasylyq zorlyq-zombylyq boıynsha 5 myń otbasynyń jaǵdaıy zerttelgen. Nátıjesinde 200 kúsh kórsetkish anyqtaldy, onyń ishinde tek 70-i ǵana psıhologııalyq kómekke júgingen.

«Aıta ketý kerek, psıhologııalyq kýrstan ótken otbasylarda turmystyq janjal qaıtalanǵan joq. Úkimettik emes uıymdarmen birlesip áleýmettik-quqyqtyq kómek kórsetiletinin eske salamyz. Jábirlenýshiler daǵdarys ortalyqtarynan áleýmettik-quqyqtyq kómek ala alady», - deıdi ol.

Odan bólek, ІІM ókili osyǵan deıin atqarylǵan jumystardyń nátıjesinde turmystyq qylmys 2,5%-ǵa, onyń ishinde kisi óltirý 4%-ǵa jáne aýyr qylmystardyń 10%-ǵa tómendegenin aıtty.