Psıhıkalyq derti bar balalar ýaqytsha qoldaý ortalyǵyna ornalastyrylmaıdy

ASTANA. QazAqparat – Іshimdik pen esirkige qumar jáne psıhıkalyq derti bar jasóspirimder ómirlik qıyn jaǵdaıda júrgen balalardy qoldaý ortalyqtaryna qabyldanbaıdy. Bul týraly «Ashyq» NQA portalynda jarııalanǵan Bilim salasynda sapany qamtamasyz etý komıteti tóraǵasynyń buıryǵynda jazylǵan, dep habarlaıdy QazAqparat tilshisi.

«Alkogoldik, esirtkilik nemese ýytqumarlyq masań kúıdegi, psıhıkalyq, minez-qulyqtyq buzylý aýrýlarynyń belgisi bar kámeletke tolmaǵandar ómirlik qıyn jaǵdaıda júrgen balalardy qoldaý ortalyǵyna ornalastyrylmaıdy», - delingen jańa redaktsııada.

Munymen qatar, balalardy atalǵan ortalyqtarǵa ornalastyrý merzimderi de ózgeredi. Atap aıtqanda, endi ótinish túsken sátten bastap kámeletke tolmaǵandar 3 jumys kúni ishinde qabyldanady.

Buıyryqty ashyq talqylaý 1 naýryzǵa deıin jalǵasady.