Proton-M zymyrany mamyr aıynda Baıqońyrdan ushyrylady

BAIQOŃYR. QazAqparat - Baıqońyr ǵarysh aılaǵynan eń jaqyn ushyrylym bıylǵy mamyr aıynyń sońyna josparlanǵan, dep habarlaıdy «QazAqparat» HAA tilshisi.

Shamamen bir jyldyq úzilisten keıin EchoStar 21 ǵarysh apparatymen birge «Proton-M» zymyran-tasyǵyshyn ushyrýǵa daıyndap jatyr.

Eske sala ketsek, sońǵy ret «Proton-M» Baıqońyrdan 2016 jyldyń 10 maýsymynda ushyryldy. Odan keıin «Proton-M» tasyǵysh-zymyranynyń qozǵaltqyshtarynan aqaý tabylyp, ushyrý keıinge qaldyryldy.

EchoStar 21 ǵarysh apparatymen birge «Proton-M» aldaǵy ushýyna tuńǵysh ret qazaqstandyq mamandar qatysqaly otyr. «Báıterek» birlesken kásiporny» AQ 92 qyzmetkeri ótken jyldan beri qazaqstandyq jáne reseılik taraptarmen kelisilgen «Proton» starttyq kesheninde jumys istep jatyr.