Promoýter Golovkınniń alǵashqy aıqasy týraly: Fanattar Qazaqstannyń qaıda ornalasqanyn bilmeıtin

NUR-SULTAN. QazAqparat – IBF jáne IBO nusqalary boıynsha orta salmaqtaǵy álem chempıony Gennadıı Golovkınniń promoýteri Tom Leffler qazaqstandyq boksshy profı-bokstaǵy jolyn qalaı bastaǵanyn eske aldy, dep habarlaıdy QazAqparat Sports.kz-ke silteme jasap.

«Gennadııge, onyń menedjerleri men jattyqtyrýshysyna onyń kimmen jekpe-jekke shyǵatyny báribir edi. Sońynda ol Eýropa chempıony, polıak Gjegoj Proksamen judyryqtasty. Golovkın HBO-da birden áserli aıqas ótkizdi. Onyń qupııalarynyń biri – ol rıngke shyqqan saıyn jekpe-jegin jetildire túsip, alǵa qadam jasap otyrdy. Golovkın «Garden» men HBO-daǵy (telearna) alǵashqy kezdesýde qysym bolatynyn bildi, biraq erekshe perfomans kórsetti. Nátıjesinde HBO jazylýshylarynyń bári ony taǵy da rıngte kórgisi keldi. Kóptegen fanattar, tipti HBO adamdary da Qazaqstannyń qaı jerde ekenin bilmedi. Gennadııdiń aǵylshyny da onsha emes edi», - dedi Leffler.

AQSh-taǵy alǵashqy aıqasyn Gennadıı Golovkın (40-1-1, 35 KO) 2012 jyldyń 1 qyrkúıeginde Gjegoj Proksaǵa (29-4, 21 KO) qarsy ótkizgen edi. Golovkın besinshi raýndta tehnıkalyq nokaýtpen jeńiske jetip, WBA jáne IBO nusqalary boıynsha orta salmaqtaǵy álem chempıony belbeýlerin qorǵap qaldy.