Prokýrorlyq tekserý: Qostanaı oblysynda muǵalimderdiń 25 mln teńge zeınetaqy tólemi aýdarylmaǵan

<p>Qostanaı oblysy Beıimbet Maılın aýdanynyń prokýratýrasy muǵalimder men bilim berý qyzmetkerleriniń konstıtýtsııalyq quqyqtary qorǵalýyna yqpal etti, dep habarlaıdy <a href="https://kaz.inform.kz/" target="_blank" rel="noopener">QazAqpara</a>t QR Bas prokýratýrasynyń <a href="https://www.akorda.kz/" target="_blank" rel="noopener">baspasóz</a> qyzmetine silteme jasap.</p>

Baspasóz qyzmetiniń málimetterine qaraǵanda, bıyl aýdannyń bilim berý uıymdarynyń 1 432 qyzmetkerine jalpy somasy 25 mln teńgege mindetti zeınetaqy jarnalary jáne mindetti áleýmettik medıtsınalyq saqtandyrý tólemderi aýdarylmaǵandyǵy anyqtaldy.

Atalǵan zańbuzýshylyq bilim berý uıymdary qyzmetkerleriniń quqyqtary men zańdy múddelerin saqtaý boıynsha taldaý júrgizý barysynda anyqtaldy.

Qadaǵalaý aktisi boıynsha quqyqbuzýshylyqtar joıyldy, kináliler ákimshilik jaýapqa tartyldy, nátıjesinde qyzmetkerler aldyndaǵy bereshek ótelip, olardyń konstıtýtsııalyq quqyqtary qorǵaldy.

Eńbek zańnamasynyń talaptaryn buzýdy aldyn-alý maqsatynda, aýdan prokýratýrasymen eńbek ujymdarynyń, aýdan basshylarynyń jáne jurtshylyqtyń qatysýymen dóńgelek ústel ótkizildi.

«Azamattardyń konstıtýtsııalyq quqyqtaryn qorǵaý - prokýratýra organdarynyń basym baǵyttarynyń biri bolyp tabylady»,-delingen habarlamada.