Prokýrorlar asa aýyr qylmystar boıynsha aıyptaý aktisin ózderi ázirleıdi
«Bıyl úsh býyndy modeldiń ekinshi kezeńi bastaldy. Endi prokýrorlar asa aýyr qylmystar boıynsha aıyptaý aktisin ózderi ázirleýde. Prokýrorlar 191 asa aýyr qylmystar boıynsha aıyptaý aktilerin jasap, sotqa joldady. Endi tergeý aıaqtalǵan soń, prokýrorlar taǵy da istiń barlyq materıaldaryna tolyq taldaý jasaıdy. Taldaý nátıjesi boıynsha aıyptaý aktisin ázirlep, isti sotqa jiberedi ne bolmasa qaıta qaraýǵa tergeýshige keri joldaıdy nemese isti múldem toqtatady», - dedi Á. Shyndalıev.
Onyń paıymynsha, bul tásil prokýrorlardyń aıǵaqtarǵa táýelsiz baǵa berý mehanızmin kúsheıtti.
«Adamdy aıyptalýshy dep sotqa joldaǵany úshin jeke jaýapkershilik kúsheıdi. Demek, bul mehanızm tergeý qatelikterine jáne negizsiz aıyptaýǵa jol bermeýdiń taǵy da bir fıltrine aınaldy. 2023 jyldan bastap barlyq sybaılas jemqorlyq týraly ister, 2024 jyldan – qalǵan qylmystyq ister osy tártipke kóshetin bolady», - dedi Bas prokýrordyń orynbasary.
Aıta keteıik, Prezıdenttiń tapsyrmasymen 2020 jyldan beri qylmystyq protseske kezeń-kezeńmen úsh býyndy model engizý bastaldy.
Osy oraıda jańa modeldiń birinshi kezeńi engizildi.