Prokýror tanymal vaınerlerdiń isi boıynsha - Qylmystyq isti toqtatýǵa negiz joq
Sot otyrysy onlaın formatta ótip jatyr. Oǵan 12 aıyptalýshy qatysty. Іsti Almaly aýdandyq sotynyń sýdıasy Kámshat Saýrova qaraýda. Mudarabah Capital qarjy pıramıdasyna qatysty istiń aldyn ala tyńdaý barysynda aıyptalýshy Meıirjan Tórebaev isti prokýrorǵa qaıtarýdy, al qorǵaýshysy sottan bultartpaý sharasyn úıqamaqqa ózgertýdi suraǵan edi.
Meıirhan Shernııazovtyń qorǵaýshylary sottan qylmystyq isti toqtatyp, olardy jábirlenýshi dep tanýdy suraǵan bolatyn. Búgingi otyrysta memlekettik aıyptaýshy, prokýror Erlan Qulanbaev qylmystyq isti toqtatýǵa negiz joq ekenin aıtty.
«Qylmystyq-protsestik kodekstiń 1-bóliginiń 321-babyna sáıkes, aýyr qylmystyq ister boıynsha aldyn ala tyńdaýlar mindetti. Іsti prokýrorǵa qaıtarýǵa negiz bola alatyn eleýli zań buzýshylyq oryn alǵan joq dep esepteımin»,- dedi prokýror.
Sonymen qatar Erlan Qulanbaev Meıirjan Tórebaevtyń áıelin óziniń qoǵamdyq qorǵaýshy retinde tartý týraly ótinishin jáne qorǵaýshysynyń bultartpaý sharasyn úıqamaqqa ózgertý týraly ótinishin qoldady.
Buǵan deıin Mudarabah Capital qarjy pıramıdasyna qatysty istiń aldyn ala tyńdaý barysynda aıyptalýshylar men olardyń qorǵaýshylary sottan úıqamaq túrindegi bultartpaý sharasyn ózgertýdi, al keıbireýleri ózderine qatysty qylmystyq isti toqtatýdy suraǵan bolatyn.
12 jeltoqsanda qarjy pıramıdasyn qurdy dep aıyptalǵan tanymal vaınerlerdiń isi sotqa joldanǵan edi. Almaty qalalyq polıtsııa departamentiniń tergeý basqarmasy tanymal vaınerler Meıirjan Tórebaev pen Meıirhan Shernııazovqa QR Qylmystyq kodeksiniń 217-baby 3-bóligi boıynsha aıyp taqty. Keıinnen Meıirjan Tórebaev pen Meıirhan Shernııazov ustaldy.
Foto: instagram.com/meirzhach_tv