Prokýror talaptaryn oryndamaǵan: Aqmola oblysynda ákimniń orynbasary jaýapqa tartyldy

<p>KÓKShETAÝ. KAZINFORM &ndash; Aqmola oblysynda ákimniń orynbasary prokýrordyń talaptaryn oryndamaǵany úshin ákimshilik jazaǵa tartyldy.</p>

Aqmola oblysy prokýratýrasy baspasóz qyzmetiniń málimetinshe, Qosshy qalasynyń prokýratýrasymen bıýdjettik zańnamany buzý boıynsha prokýrordyń usynýyna ýaqtyly jaýap bermegeni jáne prokýrordy, onyń qaralatyn ýaqyty men orny týraly habarlamaǵany úshin ákimniń orynbasary jazaǵa tartylǵan.

«Oǵan QR Ákimshilik kodekstiń eki baby (ÁQBtK-niń 664 jáne 666-baptary) boıynsha 370 000 teńgeden astam somaǵa aıyppul salyndy», - dedi vedomstvodan.

«Prokýratýra týraly» Konstıtýtsııalyq zańnyń talaptaryna sáıkes prokýrorlyq qadaǵalaý jáne den qoıý aktileri olar jiberilgen organdardyń, uıymdardyń jáne laýazymdy adamdardyń qaraýy, oryndaýy úshin mindetti.

Laýazymdy tulǵanyń prokýrordyń usynýyn qaraýsyz qaldyrýy ne onda kórsetilgen zań buzýshylyqtardy joıý boıynsha sharalar qabyldamaýy, sonymen qatar ýaqtyly jaýap bermeýi (ÁQBtK-niń 664-baby), 8 AEK mólsherinde aıyppul túrindegi ákimshilik jazaǵa ákep soǵady. 

Sondaı-aq prokýrordyń qaraý nátıjeleri men qabyldanǵan sharalar týraly habarlamaýy nemese ýaqtyly habarlamaýy (ÁQBtK-niń 666-baby) 200 AEK-ke deıin mólsherinde aıyppul túrindegi ákimshilik jazaǵa ákep soǵady. 

Eger prokýrorlyq qadaǵalaý aktilerin oryndamaý azamattardyń nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli zııan keltirýge ákep soqsa, onda bul Qylmystyq kodekstiń 381-baby boıynsha qýdalanady.

Aıta ketsek, budyn buryn Zerendi aýdany ákiminiń orynbasary 15 táýlikke qamalǵanyn jazǵan edik.