Prokýror Serik Kúdebaevty 9 jylǵa bas bostandyǵynan aıyrýdy surady
15:18, 28 Aqpan 2023
TALDYQORǴAN. QazAqparat - Taldyqorǵanda Almaty oblystyq polıtsııa departamentiniń burynǵy basshysy Serik Kúdebaevqa qatysty sot otyrysy jalǵasyp jatyr, dep habarlaıdy QazAqparat tilshisi.
Sot protsess barysynda memlekettik aıyptaýshy sýdıadan kúdikti Serik Kúdebaevty toǵyz jylǵa bas bostandyǵynan aıyrýdy surady.
Bul aqparatty Jetisý oblystyq prokýratýrasy rastady.
Aıta keteıik, Almaty oblysy polıtsııa departamentiniń burynǵy bastyǵy Serik Kúdebaevtyń soty qańtar aıynda bastalǵan bolatyn.
Eske salsaq, Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.
Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan.
2022 jyldyń 18 aqpanynda ol ishki ister organdarynan óz erkimen bosatyldy.