Prokýror Kaspi Bank-ke shabýyldaýshyǵa 8 jyl jaza surady
«Barlyq qatysýshynyń aıǵaqtaryn taldap, zertteı otyryp, sottalýshy Álıhan Mýradovtyń qylmystyq nıetiniń bolǵanyna kúmán joq. Onyń áreketi obektıvti rastaldy jáne qylmystyq istiń bolǵany materıaldarymen tolyq dáleldendi. Á. Mýradovtyń jaýapkershiligi men jazasyn jeńildetetin jaǵdaılar – kinásin moıyndap, isine ókinýi, isti qaraý barysyndaǵy belsendiligi», -dedi prokýror Raýshan Aqshoraeva.
Onyń aıtýynsha, Á. Mýradovtyń qylmystyq jaýapkershiligin aýyrlatatyn jaǵdaılar anyqtalǵan joq.
«Osyǵan deıin qaralǵan barlyq mán-jaıdy eskere otyryp, Á. Mýradovty Qylmystyq kodekstiń 4 jáne 9-tarmaqtardyń 261-babyna sáıkes qylmys jasaǵany úshin kináli dep tanýdy jáne oǵan QR Qylmystyq kodekstiń 2-tarmaǵynyń 55-baby 2-bólimine sáıkes 8 jyl bas bostandyǵynan aıyrý jazasyn taǵaıyndaýdy suraımyn. Jazany óteý qaýipsizdik ortasha qylmystyq atqarý júıesi mekemesinde belgilensin», - deıdi ol.
Aıta keteıik, Á. Mýradovtyń isine qatysty sot úkimi 18 qyrkúıek kúni saǵat 12:00-de shyǵady dep kútilýde.
Buǵan deıin sot barysynda Kaspi Bank-tiń bólimshesine shabýyl jasaǵan kúdikti Іshki ister mınıstrimen kelissózdiń qalaı júrgenin aıtyp bergen edi.
Eske sala ketsek, bıyl 18 maýsymda qarýlanǵan er adam elordadaǵy Kaspi bank ǵımaratynda birneshe kisini tutqynda ustap otyrdy.
Araǵa ýaqyt salyp atalǵan banktiń baspasóz qyzmeti ǵımaratta klıentterdiń joqtyǵyn jáne polıtsııa qyzmetkerleriniń kúdiktimen kelissóz júrgizip jatqanyn málimdedi.
Oqıǵa ornyna Іshki ister mınıstri Marat Ahmetjanov bardy.
Polıtsııa qyzmetkerleri kepildegi azamattardy bosatyp aldy.
23 tamyzda Kaspi Bank ǵımaratyna jasalǵan shabýyl boıynsha qylmystyq is sotqa jetkenin habarlaǵan edik.
Aıta ketsek, 29 tamyzda ótken alǵashqy sot otyrysynda Kaspi Bank ǵımaratyn basyp alǵan jigit onyń aldynda ózin óltirý úshin dári ishkeni belgili boldy.
Odan bólek, Kaspi bank qyzmetkeri ǵımaratqa shabýyldaý oqıǵasyn bastan-aıaq aıtyp bergen edi.