Prokýratýranyń aralasýynan keıin 300-den astam şýchelik tutynýshynyń quqyǵy qorǵaldy

<p>KÓKShETAÝ. KAZINFORM &ndash; Aqmola oblysy prokýratýrasynyń sharalarymen Şýche qalasynda 300-den astam tutynýshynyń múliktik quqyqtary qorǵaldyAqmola oblysy prokýratýrasy baspasóz qyzmetiniń málimetinshe, Şýche qalasynyń turǵyndary Býrabaı aýdandyq prokýratýrasyna júginip, jergilikti jylýmen jabdyqtaýshy uıym taratqan habarlamalarymen kelispeıtindikterin aıtyp shaǵymdaǵan.</p>

Anyqtalǵandaı, jergilikti jylýmen jabdyqtaýshy uıym kóppáterli turǵyn úılerdiń turǵyndaryna jylýeseptegishteri men jylý datchıkteriniń qyzmet etý merziminiń aıaqtalýyna baılanysty jańasyna aýystyrý qajettiligi týraly habarlamalar jibergen. Onda bul talaptar oryndalmasa, uıym jylý eseptegish quraldary joq tutynýshylar úshin jylýmen qamtamasyz etý úshin tutyný normasyna sáıkes aqy alatyny aıtylǵan.

Alaıda bul áreketter qoldanystaǵy zańnama talaptaryna qaıshy keledi. ıAǵnı, qurylǵylardyń (jylý kalkýlıatorlary men temperatýra datchıkteriniń) qyzmet etý merziminiń aıaqtalýy olardy jańasyna aýystyrýǵa sózsiz negiz bolyp tabylmaıdy, biraq tekserýge jatady.

«Qadaǵalaý aktisi boıynsha habarlamalar keri qaıtarylyp, kináliler tártiptik jaýapqa tartyldy. Osy arqyly 304 tutynýshynyń quqyqtaryn shekteýge jol berilmedi», - dedi vedomstvodan.

Aıta ketsek, budan buryn Aqmola oblysynda mektep basshylyǵy balany mektepke qabyldamaı qoıǵanyn jazǵan edik.