Prokýratýraǵa júgingen 1,7 myńnan astam kásipkerdiń árbir tórtinshisine qatysty zań buzýshylyq rastaldy
Mysaly, Almaty oblysynda bilim berý organdary tarapynan 251 jekemenshik balabaqshany (memlekettik tapsyrysty oryndaý máseleleri boıynsha) zańsyz tekserýge jol berilgen joq.
Qostanaı oblysynda prokýrorlardyń aralasýynan keıin ǵana «NPO DSK» JShS-niń 15 qyzmetkerine jalaqy boıynsha 3,4 mln teńge mólsherinde 2 aılyq bereshek tólendi.
Jambyl oblysy T. Rysqulov aýdanynyń turǵyn úı-kommýnaldyq sharýashylyq bólimi basshysynyń áreketi tekserildi, ol kásipkerlerge memlekettik satyp alý salasyndaǵy 10 mln teńge somasynda kepildik jarnany qaıtarmaǵan. Osy sıgnaldy tekserý aıasynda prokýrorlar laýazymdy adamnyń tarapynan jalpy somasy 40 mln teńgeden asatyn basqa 39 kásipkerge qatysty osyndaı zań buzýshylyqtardy anyqtady. Bul faktilerdi aýdandyq prokýratýra QK-niń 189-baby 4-bóliginiń 2-tarmaǵynda (senip tapsyrylǵan bóten múlikti ıemdený nemese ysyrap etý) kózdelgen qylmys belgileri boıynsha sotqa deıingi tergep-tekserýlerdiń biryńǵaı tiziliminde tirkegen. Arnaıy prokýrorlar júrgizgen sotqa deıingi tergep-tekserý nátıjeleri boıynsha 19 mamyrda aýdandyq sottyń úkimimen kináli adam ómir boıy belgili bir laýazymdardy atqarý quqyǵynan aıyra otyryp, 7 jylǵa bas bostandyǵynan aıyryldy. Bıznes sýbektilerine keltirilgen zalal tolyq kólemde óteldi.
Mobıldik toptar sheshetin máseleler aýqymy jeke jaǵdaılarmen shektelmeıdi, kóbinese prokýrorlar quqyqtyq aktilerge ózgerister engizýdi talap etetin júıeli problemalarmen kúresedi. Bul jumys «Atameken»UKP-men ózara tyǵyz is-qımylda júrgiziledi. Aǵymdaǵy jyly prokýratýra organdarynyń kómegimen bıznestiń 28 óńirlik problemasy sheshildi.
Mysaly, Pavlodar jáne Mańǵystaý oblystarynda memlekettik organdar qatarynan jumys toptarynyń kommertsııalyq nysandardy aralaýynyń zańsyz praktıkasy toqtatyldy, Shymkent qalasynda sharýa qojalyqtaryn sýarmaly sýmen qamtamasyz etý boıynsha sharalar qabyldandy, Jambyl oblysynda prokýrorlar qabyldaǵan sharalardyń arqasynda bıznes sýbektilerinen elektr berý jelileriniń tirekterin jalǵa alý úshin aqsha alynbaıdy.
Prokýrorlardyń ýákiletti organdardyń zańsyz tyıym salý jáne shekteý sharalaryn joıý jónindegi jańa quzyreti kásipkerlerdiń quqyqtaryn qorǵaýdaǵy tıimdi quralǵa aınaldy.
Mysaly, Qostanaı oblysynyń prokýratýrasy salyq salasynda júrgizilgen taldaý qorytyndysy boıynsha 141 salyq tóleýshige banktik shottardyń zańsyz buǵattalǵanyn anyqtady. Prokýratýranyń qaýlysy boıynsha tyıym salýlar keri qaıtaryldy.
Jalpy, 7 aıda kásipkerlik salasyndaǵy zań buzýshylyqtar boıynsha, onyń ishinde mobıldi toptardyń jumysy sheńberinde 893 qadaǵalaý aktisi engizildi, 143 myńnan astam bıznes sýbektisiniń quqyqtary qorǵaldy, 534 mln teńgeden astam somaǵa 5,9 myń ákimshilik jaza alyp tastaldy, 6,4 myńnan astam zańsyz tekserýler men baqylaýdyń ózge de nysandarynyń joly kesildi jáne kúshi joıyldy, 1 139 tyıym salý-shekteý sharalary, memlekettik organdardyń 702 aktisi, 669-dan astam adam jaýapkershilikke tartyldy.
Osy baǵyttaǵy jumys jalǵasady jáne Bas prokýratýra basshylyǵynyń turaqty baqylaýynda.
Kásipkerler óz quqyqtaryn buzý faktileri týraly prokýratýra organdaryna 115 (Call-ortalyq), 30-18-30 (Bas prokýratýranyń mobıldi toby) nómirleri nemese oblys prokýratýralarynyń saıttarynda kórsetilgen nómirler boıynsha habarlasa alady.