Prokýratýra organdarynyń birqatar basshylary memlekettik nagradalarmen marapattaldy
Táýelsizdik jyldarynda Elbasynyń qoldaýy arqasynda armııanyń qaýipsizdik kepili bolyp, memlekettiń alyp kúshi men qýatynyń kemeldi kórinisine aınalǵandyǵyna toqtalǵan Bas Prokýror, elimizdiń Qarýly kúshteri búginde memleketimizdiń shyn mánindegi senimdi tiregi bolyp sanalatyndyǵyn atap kórsetti.
Otan qorǵaýshylar kúni elimizdegi barlyq býyn ókilderiniń basyn biriktiretin meıram. Biz Otanymyzdyń tarıhyndaǵy erlikke toly kezeńderdi árdaıym qaster tutyp, batyr ákelerimiz ben qaharman atalarymyzdyń janqııarlyq erlikterin máńgilik este saqtaıtyn bolamyz. Eldiń erlik tarıhy paraqtaryn tolyqtyrǵan qaısar jaýyngerlerimizge bas ıip, taǵzym etemiz. Sonymen qatar, búginde Otan saqshysy bolyp, eldegi beıbit ómir men tynyshtyqtyń kúzetinde turǵan arys azamattarymyzǵa qurmetimiz sheksiz.
Ashat Daýylbaev ujymdy uly Jeńistiń 70 jyldyǵymen quttyqtady. 9 mamyr barlyq urpaq ókilderi úshin Otanǵa degen adaldyqtyń, qaharmandyq pen erliktiń belgisi retinde tarıhymyzdan aıshyqty ornyn alǵan qasıetti kún bolyp tabylady, - dedi ol.
Barlyq halyqpen birge bizdiń otandastarymyz da ot keshti. 500 qazaqstandyq Keńes Odaǵynyń Batyry atansa, onyń tórteýi bul ataqqa eki márte ıe bolý qurmetine bólendi.
Soǵys ardagerleriniń qatarynda prokýratýra organdary sapynan maıdanǵa attanǵan aǵalarymyz kóp, alaıda, solardyń talaıy shaıqas dalasynan oralmaı qaldy. Olardyń jasaǵan eresen erlikteri men janqııarlyq shaıqastary júregimizden máńgilik oryn almaq.
Otan qorǵaýshylar kúni qarsańynda Memleket basshysynyń Jarlyǵymen prokýratýra organdarynyń birqatar basshylary joǵary synyptyq shenderge ıe bolyp, memlekettik nagradalarmen marapattaldy.
3-dárejeli memlekettik ádilet keńesshisi synyptyq sheni Bas kólik prokýrory Ybyraı Tileýǵaleevke, Aqtóbe oblysynyń prokýrory Nurǵalym Ábdirovke, Aqmola oblysynyń prokýrory Muratbek Isádilovke, Almaty oblysynyń prokýrory Ǵabıt Mırazovqa, Shyǵys Qazaqstan oblysynyń prokýrory Baǵban Taıymbetovke, Atyraý oblysynyń prokýrory Ǵalymjan Toǵyzbaevqa jáne Bas prokýratýranyń 3-shi Departamentiniń bastyǵy Tımýr Táshimbaevqa tapsyryldy.
II dárejeli «Dańq» ordenimen Astana qalasynyń prokýrory Sabyrjan Bekbosynov pen Batys Qazaqstan oblysynyń prokýrory Serik Qaramanov marapattaldy. І dárejeli «Aıbyn» ordenimen Pavlodar oblysy prokýrorynyń aǵa kómekshisi Qaırat Abylqasov marapttaldy. ІІ dárejeli «Aıbyn» ordenimen Bas prokýratýranyń 5-shi departamentiniń bastyǵy Roza Dosymbekova, Shyǵys Qazaqstan oblysy prokýrorynyń orynbasary Vasılıı Oleınık, Jambyl oblysy prokýrorynyń orynbasary Berik Qultasov, Mańǵystaý oblysy prokýrorynyń orynbasary Asqar Dosekenov marapattaldy. «Jaýyngerlik erligi úshin» medali Bas áskerı prokýrordyń aǵa kómekshisi Dáýlet Bekenovke tapsyryldy.
Qyzmettik paryzdaryn úlgili atqarǵandary úshin Bas Prokýror ortalyq apparattyń birqatar qyzmetkerlerine synyptyq shender men vedomstvolyq nagradalar tapsyryp, marapattady.
Saltanatty jıynǵa qatysqan Qazaqstan halqy Assambleıasy Tóraǵasynyń orynbasary Eraly Toǵjanov Bas prokýratýranyń qurylymdyq bólimsheleriniń basshylaryna «Qazaqstan halqy Assambleıasyna 20 jyl» mereıtoılyq medalin tapsyrdy.
Merekelik is-shara prokýratýra organdarynyń qyzmetkerleri ázirlegen kontsertke ulasty, dep habarlaıdy Bas prokýratýranyń baspasóz qyzmeti.