Prokýratýra mindetti zeınetaqy jarnalaryn aýdarmaıtyndarǵa eskertý jasady

<p>ORAL. KAZINFORM - Batys Qazaqstan oblysy Jańaqala aýdanynyń prokýratýrasy taldaý aıasynda mindetti zeınetaqy jarnalary aýdarmaý faktisin anyqtady.</p>

Batys Qazaqstanoblystyq prokýratýray baspasóz qyzmetiniń habarlaýynsha, 2024 jyldyń qańtar-shilde aılary aralyǵynda «Kommýnal» memlekettik kásiporyny 28 qyzmetkerge 3 mıllıonnan astam zeınetaqy jarnalaryn tólemegeni anyqtaldy.

Atalǵan fakt boıynsha prokýrorlyq qadaǵalaý aktisi engizildi.

- Onyń nátıjeleri boıynsha «Kommýnal» memlekettik kásiporyny Qazaqstan Respýblıkasy «Ákimshilik quqyq buzýshylyqtar týraly» Kodeksiniń 91-babynyń 6-bóliginiń 5) tarmaǵyna sáıkes ákimshilik jaýapkershilikke tartylyp, (Biryńǵaı jınaqtaýshy zeınetaqy qoryna mindetti zeınetaqy jarnalaryn, mindetti kásiptik zeınetaqy jarnalaryn aýdarmaýy, ýaqtyly jáne (nemese) tolyq eseptemeýi, ustap qalmaýy (esepke jazbaýy) jáne (nemese) tólemeýi (aýdarmaýy)), qaryz tolyǵymen óteldi, - delingen habarlamada.

Osyǵan deıin jumys berýshi tóleıtin mindetti zeınetaqy jarnasynyń mólsheri ulǵaıǵany týraly jazǵan edik.