Prokýratýra kóptegen daýlarǵa qatysýdan bas tartty - Jaqyp Asanov

ASTANA. QazAqparat - Azamattyq isterge prokýrorlardyń qatysýyn qysqarttyq. Bul týraly elordada «Qazaqstandaǵy sot bıliginiń táýelsizdigi jáne sot ákimshiligi máseleleri» atty halyqaralyq konferentsııada QR Bas prokýrory Jaqyp Asanov málim etti, dep habarlaıdy QazAqparat.

«26-qadam (Ult jospary) aıasynda azamattyq ister boıynsha biz prokýrorlardyń qatysýyn qysqarttyq. Jeke tulǵalardyń daýlaryna prokýrordyń aralasýynyń reti joq. Bul turǵyda árqaısysy ózin qorǵaıdy jáne prokýrorlyq qoldaý túrindegi aıryqsha quqyqqa eshkim de ıe bolmaýy tıis», - dep naqtylady Jaqyp Asanov.

Osy oraıda prokýratýra organdary kóptegen daýlarǵa qatysýdan bas tartqanyn atap ótti. Bul qadamdar óz kezeginde qylmystyq protseske kóbirek nazar aýdarýǵa múmkindik berdi. Búginde aýyr jáne asa aýyr qylmys boıynsha árbir iske protsessýaldyq prokýror taǵaıyndalady. Ol úshin negizgi maqsat - laıyqty qadaǵalaýdy qamtamasyz etý.

«Sýdıalar tarapy prokýrorlar protseske daıyn emes degen eskertýin  aıtyp jatady. Sebebi isti sotqa berý kezeńindegi ǵana prokýrorlar  onymen tanysyp júr. Endi olar is tirkelgen sátten bastap egjeı-tegjeıli qadaǵalaý júrgizedi. Ol úshin bizde qajetti múmkindikter bar, óıtkeni bıznesti tekserý baǵytyndaǵy kóptegen sharalardan bas tarttyq, sondaı-aq azamattyq protsesterden alystadyq. Sondyqtan bul rezervterdi qylmystyq protseske arnap otyrmyz», - dedi Bas prokýror.

Aıta keteıik, konferentsııa jumysyna QR Joǵarǵy Sotynyń tóraǵasy Qaırat Mámı, Joǵarǵy Sot keńesiniń tóraǵasy Anatolıı Smolın, Ádilet mınıstri Marat Beketaev, Grýzııa Joǵarǵy sotynyń tóraıymy Nıno Gvenettadze, BUU-nyń Turaqty úılestirýshisi Norımasa Shımomýra, Eýropalyq keńestiń sot reformalary biliminiń basshysy Lılıt Danegtıan qatysýda.