Prokýratýra kásipkerlerdiń quqyǵyn qalaı qorǵaıdy
«Bas prokýratýradaǵy selektorlyq keńestiń jumysyna qatysyp, jer qatynastary men sáýlet salasyndaǵy kóptegen júıelik problemalar, salyq organdarynyń mámilelerdi jaramsyz dep tanýy týraly sottarǵa talap aryz berýine qatysty týyndaıtyn kásipkerlerdiń shaǵymdary týraly aıttym. Mundaı shaǵymdardyń sany jyldan jylǵa artyp keledi. Keıingi jyldary biz qylmystyq jáne ákimshilik ister boıynsha kásipkerlik qyzmetke kedergi keltirýge qatysty nóldik statıstıkany kórip otyrmyz. QK-niń 365 jáne ÁQBtK-niń 173-baptary jumys istemeıdi», - dep jazady Rústem Júrsinov facebook paraqshasynda.
Onyń habarlaýynsha bıznestiń jer resýrstaryna qol jetkize almaı otyr. Óıtkeni egjeı-tegjeıli josparlaý jobalarynyń bolmaýyna jáne eldi mekenderdiń bas josparlarynyń eskirgeninine baılanysty kásipkerler jer ýchaskelerin alýdan shektelgen.
«Sondaı-aq, prokýratýra organdaryna óńirlik kásipkerler palatalarymen neǵurlym problemalyq baǵyttar boıynsha atqarylýy tıis jumystardy úılestirý úshin birlesken is-sharalar josparyn jasaýdy usyndym - bul bıznestiń barynsha qorǵalýyn qamtamasyz etedi. QR Bas prokýrorynyń orynbasary Bolat Dembaev oblys prokýrorlaryna jáne olarǵa teńestirilgen prokýrorlarǵa Bas prokýrordyń qadaǵalaýdy kúsheıtý jónindegi nusqaýy túskenge deıin tapsyrma berdi. Atap aıtqanda prokýratýra organdarynda kásipkerlerdiń ótinishterin qaraýdy jeke baqylaýǵa alýdy, prokýratýranyń aralasýyn talap etetin júıeli máselelerdi anyqtaý úshin bıznes ókilderinen túsetin ótinishterge sapaly taldaý jáne tekserý júrgizýdi, ótinishterdi qaraý jáne tekserý nátıjeleri boıynsha prokýrorlyq qadaǵalaý nemese kináli laýazymdy tulǵalardyń jaýapkershiligi týraly (qylmystyq jaýapkershilikke deıin) máseleni qoıa otyryp, den qoıý sharalaryn qabyldaýdy mindetine aldy», - deıdi ol.
Osylaısha, Rústem Júrsinov bıznes ekonomıkalyq aınalymda qalýǵa, ekonomıkanyń damýyna odan ári úles qosýǵa múmkindik alatynyna, máselelerdi sheshýge baǵyttalǵan birlesken jumys óz jemisin beretinine senim bildirdi.
«Bas prokýratýra Memleket basshysynyń 1 qyrkúıektegi Qazaqstan halqyna Joldaýynda bergen tapsyrmasy aıasynda bızneske qysymdy azaıtý boıynsha júıeli jáne tıimdi jumys júrgizip jatqany qýantady», - dep túıdi ol.