Prokýratýra Almaty emhanalarynan zańsyz áreketterdi anyqtady

ALMATY. QazAqparat- Almaty qalasynyń prokýratýrasy kepildendirilgen tegin medıtsınalyq kómek kórsetýdiń qoljetimdiligine taldaý júrgizdi, dep habarlaıdy QazAqparat tilshisi.

Prokýratýranyń aqparatyna sáıkes, qaladaǵy keıbir emhanalar «aýdıometr» arnaıy medıtsınalyq qurylǵysymen jetkiliksiz túrde jabdyqtalǵan.

«Densaýlyq saqtaý týraly zańnamada medıtsınalyq uıymdar estý qabiletiniń buzylýyn ýaqtyly anyqtaý jáne kereńdiktiń dıagnostıkasy úshin 6 jasqa deıingi balalardy aýdıologııalyq skrınıngten ótkizýi kerektigi qarastyrylǵan. Alaıda, taldaý kórsetkendeı, qaladaǵy keıbir emhanalar «aýdıometr» arnaıy medıtsınalyq qurylǵysymen jetkiliksiz túrde jabdyqtalǵan. Bul azamattar arasynda kezektiń paıda bolýyna pen narazylyq týǵyzdy.

Áýezov aýdany prokýratýrasynyń qadaǵalaý aktisi negizinde, qazirgi tańda qaladaǵy 7 emhana «aýdıometrmen» jabdyqtaldy. Qalǵan medıtsınalyq uıymdarǵa qatysty taldaý júrgizilýde»,- delinedi prokýratýra habarlamasynda.