«Progress MS-12» ǵarysh kemesi Tynyq muhıtyna batyrylady

BAIQOŃYR. QazAqparat – 2019 jyldyń 31 shildesinde «Baıqońyr» ǵarysh aılaǵynan ushyrylǵan jáne osy ýaqytqa deıin orbıtada turǵan «Progress MS-12» ǵarysh kemesi óz qyzmetin aıaqtaıdy, dep habarlady «QazAqparat» HAA tilshisi.

Búgin 29 qarasha kúni reseılik ǵarysh kemesi Halyqaralyq ǵarysh stantsııasynan (HǴS) shyǵarylady. Kemeniń qozǵaltqyshtaryn tejeýishke qosqannan keıin ǵarysh kemesi atmosferaǵa enip, jartylaı kúıip ketedi. «Progress MS-12»-niń janbaǵan synyqtary Tynyq muhıtynyń keme júrmeıtin bóligine batyrylady, dep habarlady «Roskosmos» baspasóz qyzmeti.

Sondaı-aq HǴS-da jańa ǵarysh kemesin qabyldaýǵa daıyndyq júrýde. «Progress MS-13» ǵarysh kemesi Baıqońyrdan 2019 jyldyń 6 jeltoqsanynda ushyrylady.