«Progress MS-08» ǵarysh kemesi ushpaı qaldy

BAIQOŃYR. QazAqparat - Baıqońyr ǵarysh aılaǵynda «Progress MS-08» kóliktik júk kemesi «Ushyrý» pármeni berilgennen keıin toqtatyldy, dep habarlaıdy «QazAqparat» HAA tilshisi.

«Soıýz-2.1a» zymyran-tasyǵyshy bar «Progress MS-08» KJK búgin Baıqońyr ǵarysh aılaǵynan 14 saǵat 58 mınýt 45 sekýndta ushyrylý kerek bolǵan.

Tikeleı efırde Roskosmos ókili ushyrylymnyń toqtatylý sebebiniń anyqtalyp jatqanyn málim etti.

Reseı ǵarysh vedomstvosynyń baspasóz qyzmeti habarlaǵandaı, «Progress MS-08» kóliktik júk kemesin ushyrý rezervtik dataǵa - 13 aqpanǵa aýystyrylǵan.

Sondaı-aq, Roskosmos qosymsha aqparatty keıinirek habarlaıtynyn málim etti. 

Eske sala keteıik, Baıqońyr ǵarysh aılaǵynan «Progress MS-08» kóliktik júk kemesi ushyrylatyndyǵy týraly buǵan deıin habarlaǵan bolatynbyz.