«Progress MS-04» synyqtary qulaǵan vıdeo paıda boldy

ASTANA. QazAqparat - YouTube jelisinde boljam boıynsha, «Progress MS-04» ǵaryshtyq júk kemesiniń atmosferada janǵan synyqtary túsirilgen vıdeo jarııalandy, dep habarlaıdy QazAqparat TJ saıtyna silteme jasap.

Aldyn ala boljam boıynsha, Baıqońyrdan ushyrylǵan kemeniń apatqa ushyraýynyń sebebi úshinshi satydaǵy RD-0110 qozǵaltqyshynyń janý kamerasynyń ýaqytynan buryn ashylýy bolýy múmkin.

Roskosmos apat týraly aqparatty rastady jáne onyń bólshekteriniń deni atmosferanyń tyǵyz qabattarynda janyp ketkenin atap ótti. Reseı jańalyqtary agenttiginiń habarlaýynsha, áýedegi jalyn úsh aımaqta - Tyva, Hakasııa jáne Krasnoıar ólkesinde baıqaldy. 

Apatqa ushyraǵan «Progress» kemesi Halyqaralyq ǵarysh stansysyndaǵy ekıpajǵa tirshilikke qajetti zattardy jetkizýi tıis bolǵan.