Professor: Bul Joldaý elimizde jańa saıası tártip qurýdyń negizi bolmaq

ÓSKEMEN. QazAqparat – D.Serikbaev atyndaǵy ShQTÝ rektory, professor Jasulan Shaımardanov Memleket basshysynyń Joldaýyna qatysty pikir bildirdi, dep habarlaıdy QazAqparat tilshisi.

«Qazaqstan Respýblıkasy Prezıdentiniń Joldaýy memleketimiz úshin mańyzdy oqıǵalardyń biri ekendigi sózsiz. Óıtkeni Qasym-Jomart Toqaev qoǵamymyzdy damytýdyń negizgi baǵyttaryn belgiledi. Prezıdent zamanaýı tehnologııalardy qazaqstandyq qoǵam ómiriniń barlyq salalaryna belsendi túrde engizýge erekshe mán berip otyr», - dedi Jasulan Shaımardanov.

Onyń aıtýynsha, basqarýdyń sýperprezıdenttik modeli buryn aqtaldy. Biraq endi el jańa baǵytty basshylyqqa alýy kerek.

«Bul Joldaýdyń elimizde jańa saıası tártip qurýdyń negizi bolatyny anyq. Búgingi álem óte serpindi. Kóz aldymyzda bári ózgerýde. Ýaqyt synynan qutylý múmkin emes. Joldaýda bar problemalar ashyq aıtyldy. Olardy sheshýdiń baǵyttary men joldary kórsetildi», - dedi ǵalym.

Óz sózinde ol bul Joldaýda eshqandaı oryndalmaıtyn mindet joq ekendigin jetkizdi.

«Osy jolda barsha azamattar jumyla eńbek etý kerek. Árbir adam óz jumysynda Joldaýda aıtylǵan ustanymdar men baǵyttardy nusqaýlyq etýi tıis», - dedi rektor.