Problemalyq alımentter sany qanshaǵa azaıdy
«Jeke sot oryndaýshylarynyń reıtıngi engizildi. Endi azamattar mınıstrlik nemese Respýblıkalyq palata saıttarynda eń tájirıbeli jáne bilikti sot oryndaýshysyn tańdaı alady», - dep toqtaldy vıtse-mınıstr vedomstvonyń keńeıtilgen alqa májilisinde.
Onyń sózine qaraǵanda, bereshekterdi tóleý boıynsha servıs qamtamasyz etý sharalaryn, onyń ishinde shetelge shyǵýǵa shekteýdi avtomatty túrde alyp tastaı otyryp jumys isteıdi. Servısti iske qosqan sátten bastap 108 myń boryshker jalpy somasy 1 mlrd teńgeden astam qaryzyn tóledi. Bul boryshkerdiń sot oryndaýshysymen baılanys jasaý qajettigin joqqa shyǵara otyryp, is júrgizý sheshimderiniń jedeldigin arttyrýǵa múmkindik berdi.
«Alıment óndirý boıynsha jaǵdaı aıtarlyqtaı ózgerdi. «Alıment óndirip alýdyń tıimdi júıesin qurý boıynsha 30 qadam» is-sharalar jospary bekitildi jáne iske asyrylýda. Mınıstrlik ákimdermen jáne Respýblıkalyq palatamen birlesip alıment óndirý máseleleri boıynsha ózara yntymaqtastyq týraly memorandýmdardy iske asyrýda. Onda boryshkerlerdi jumysqa ornalastyrý máseleleri qamtylǵan», - dedi A. Madalıev.
Onyń aıtýynsha, ótken jyly atqarylǵan jumystar aıasynda 2000-ǵa jýyq boryshker jumysqa ornalastyryldy. Qabyldanǵan sharalar nátıjesinde problemalyq alımentter sanyn azaıtýǵa qol jetkizildi. Eger 2018 jyly olardyń sany 25 myńǵa jýyq bolsa, 2019 jyldyń qorytyndysy boıynsha 13 myńǵa deıin azaıdy.
«Árıne, mundaı qujattardyń oryndalýy áli de joǵary deńgeıde emes jáne biz olardyń oryndalý sapasy men ýaqtylyǵyn baqylaýdy jalǵastyramyz», - dedi vıtse-mınıstr.