Probatsııalyq baqylaýda júrgen Dáýlet Turlyhanovtyń uly qamaýǵa alynýy múmkin

<p>ALMATY. KAZINFORM - QR Parlamenti Májilisiniń depýtaty Dáýlet Turlyhanovtyń uly Nurasyl Bolat probatsııalyq baqylaýdy elemegeni úshin bas bostandyǵynan aıyrylýy múmkin.</p>

Nurasyl Bolatttyń Almatyda túnde toıda júrgen vıdeosy áleýmettik jelide tarady. 

Zań boıynsha ol bostandyǵyn shekteý rejımine baılanysty bul ýaqytta úıinde bolýy tıis. 

Qylmystyq atqarý júıesi komıtetiniń málimetinshe, Nurasyl Bolat Almaty qalasynyń probatsııa qyzmetinde esepte tur.

«Probatsııalyq baqylaýdy buzý faktisi boıynsha sottalǵan adamǵa eskertý jasaldy, jazany bas bostandyǵynan aıyrýǵa aýystyrý týraly máseleni sheshý úshin sotqa materıal daıyndalyp jatyr», - dep habarlady qylmystyq-atqarý júıesi komıtetinen.

Osyǵan deıin áleýmettik jelide Májilis depýtaty Dáýlet Turlyhanovtyń bostandyǵy shektelgen uly Nurasyl Bolattyń túngi ýaqytta emin-erkin júrgen vıdeosy taraǵany týraly jazǵan edik. 

Eske sala keteıik, 2023 jyly aqpanda Nurasyl Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan edi. 

Keıin sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi. 

Odan bólek, Dáýlet Turlyhanov ulynyń isine aralaspaıtynyn aıtty. 

Al, ótken jyly 2 shilde kúni ol merzimdi áskerı boryshyn ótep jatqan jeri – Qonaev garnızony áskerı bólimderiniń birinen qashyp ketken bolatyn. 

Keıin kóp ótpeı tabylyp, qyzmet atqaratyn ornyna jetkizildi. 

Almaty garnızony bólim bastyǵynyń buıryǵyna baǵynbaǵany jáne oryndamaǵany úshin ákimshilik jaýapkershilikke tartyldy. 

2023 jyly 9 qazanda Dáýlet Turlyhanovtyń ulyna sot úkimi shyqty. 

Prokýror sottalýshy B-ǵa 1 jyl 6 aı bas bostandyǵyn shekteý túrinde jaza taǵaıyndaýdy surady.

Bıyl mamyrda Joǵarǵy sot Dáýlet Turlyhanovtyń ulyna kesilgen úkimdi ózgertti. Sodan soń Dáýlet Turlyhanov ulynyń sot úkimine qatysty pikir bildirdi.