Probatsııadan qashqan pavlodarlyq túrmege qamaldy

<p>PAVLODAR. KAZINFORM - Sottalýshy bastapqyda urlyq jasaǵany úshin 2 jyl 6 aıǵa bas bostandyǵy shektelgen. Alaıda probatsııa qyzmetkerleriniń talabyn oryndamaı, jaǵdaıyn qıyndatyp aldy.</p>

Bul týraly Pavlodar oblysy qylmystyq atqarý júıesi departamentinen habarlandy.

«Aqqýly aýdanynyń turǵyny probatsııany baqylaý qyzmetinen qashyp ketti. 48 jastaǵy er adam urlyq jasaǵany úshin 2023 jyldyń qyrkúıeginde 2 jyl, 6 aıǵa bas bostandyǵynan shektelgen. Sotta ol Aqqýly aýylynda turatynyn aıtyp, bas bostandyǵynan aıyrmaýdy ótingen. Alaıda sot úkiminen soń probatsııa qyzmetine kelip tirkelmegen. Aqyry bizdiń mamandar azamatqa izdeý jarııalaý týraly ótinimmen sotqa júgindi»,-deıdi Aqqýly aýdandyq probatsııa qyzmetiniń bastyǵy Dastan Qılybaev.

Jergilikti sot ótken jyldyń jeltoqsan aıynda er adamǵa izdeý jarııalaý týraly qaýly shyǵarǵan.

Al bıylǵy qańtar aıynda aıyptalýshy ustalyp, tergeý ızolııatoryna ornalastyryldy.

Sot sheshimimen ol 2 jyl 6 aıǵa bas bostandyǵynan aırylyp, ortasha qaýipsizdik mekemesine jazasyn óteýge jiberildi.