Probatsııalyq baqylaýdaǵy azamattar óz qarjysyna zeınetkerdiń úıin shatyrlap berdi

JALAǴASh. QazAqparat – Qyzylorda oblysynda probatsııalyq baqylaý esebinde turǵan azamattar jáne jastardyń qoǵamdyq birlestigi zeınetkerdiń úıin shatyrlap berdi, dep habarlaıdy QazAqparat.

Qyzylorda oblysy boıynsha Qylmystyq-atqarý júıesi departamentinen málim etkendeı, Jalaǵash aýdany jastarynyń «Temirqazyq» qoǵamdyq birlestigi jáne aýdanda probatsııalyq esepte turǵan azamattardan volonterler toby qurylyp, óz qarajattary esebinen turmys jaǵdaı tómen zeınetkerdiń úıin shatyrlap bergen.

«Jalǵyzbasty zeınetker apamyz qys, kóktem aılarynda qınalǵanyn aıtty. Qysta syz tartyp, kóktemde jańbyr jaýsa, shatyry bolmaǵandyqtan tóbesinen sý aǵatyn úıde jalǵyz ómir súrip keledi. Qıyn jaǵdaıdaǵy ájeıdiń turmysymen tanysqan eseptegi azamattar, qol qýsyryp otyra almady. Tez ári jyldam sheshim qabyldap, shatyrǵa qajetti zattardy óz qarajaty esebinen alyp, qaıyrymdy is tyndyrdy. Bul azamattar ómirde shalys bassa da, adamgershilik qasıetterinen aınyǵan emes. Úıiniń shatyrlanǵanyna rıza bolǵan apamyz, «Temirqazyq» qoǵamdyq birlestigine, aýdandyq probatsııa qyzmetkerleri men eseptegi azamattarǵa alǵysyn aıtyp, aq batasyn berdi», - dedi departamentten.