Prıozersk qalasynda 45 otbasy jańa páter kiltin aldy

PRIOZERSK. QazAqparat – Prıozersk qalasynda 45 otbasy páter aldy. Kezekte turǵandarǵa arnalǵan turǵyn úı «Nurly jer» baǵdarlamasy boıynsha salyndy. Kiltterdi qala ákimi Sapar Sataev tabystap, qonys toıymen quttyqtady, dep habarlaıdy QazAqparat tilshisi.

«Ár otbasyna baqyt pen amandyq tileımin. Bul bárimiz úshin óte qýanyshty oqıǵa», – dedi Sapar Sataev.

Turǵyn úı ıeleriniń arasynda tolyq emes, kópbalaly otbasylar, jetim balalar jáne azamattardyń basqa da áleýmettik osal sanattary bar.

Erli-zaıypty Gúlim Joldasbaeva men Erlan Súleımenov bul kúndi úsh jyldaı kútken. 14 jyl ishinde olar turǵyn úıdi jalǵa alyp, otbasy tabysynyń kóp bóligin jalǵa berip otyrdyq deıdi.

«Biz 2008 jyly úılendik, sodan beri baspana jaldap keldik. Bizdiń bes balamyz bar, úlkeni 14-te, al kishisi 2 jasta. Baspanany jalǵa alyp turý ońaı emes, óıtkeni ıeleri kez-kelgen ýaqytta páterden shyǵara salady. Al balalarmen qolaıly páter tabý qıyn. Jubaıym 2019 jyly turǵyn úıge kezekke turdy. Ol kezde bizdiń aldymyzda júzden astam adam bolǵan. Sodan keıin úkimettiń bastamasymen kópbalaly otbasylarǵa jeke kezek quryldy, biz birden 38-shi orynǵa jyljydyq. Endi mine birneshe kún buryn úsh bólmeli páterdiń kiltterin aldyq», – deıdi Erlan Súleımenov.