Prezıdenttiń Jańa jylmen quttyqtaýyn Jibek Joly efırinen kórýge bolady

<p>ASTANA. KAZINFORM &ndash; Jibek Joly telearnasy Memleket basshysy Qasym-Jomart Toqaevtyń Jańa jylmen quttyqtaýyn kórsetedi.</p>

Aıta ketsek, Prezıdent bıyl jumys saparymen elimizdiń 11 óńirin aralady. Aımaqtardaǵy 60-tan asa óndiristik jáne áleýmettik-mádenı nysandarmen tanysyp, jurtshylyqpen kezdesti. Sondaı-aq el ishindegi 41 is-sharaǵa qatysty.

Memleket basshysy osy jyly 3 979 qujatty qarap, qol qoıdy. Onyń ishinde 95 zań, 319 jarlyq, 81 ókim, 28 otyrys hat­ta­masy, 3 456 qyzmettik qujat qabyldandy (25 jeltoqsandaǵy málimet boıynsha).

Syrtqy saıasatta da jemisti jyl boldy. Atap aıtqanda, Qasym-Jomart Toqaev bıyl 23 ret shet memleketke saparlady, 19 halyqaralyq forým men sammıt jumysyna atsalysty.

Halyqaralyq is-sharalar aıasynda ózge eldiń basshylarymen 27 ret kezdesti. Sondaı-aq shet memleketterdiń jáne úkimetterdiń basshylarymen, basqa da joǵary laýazymdy tulǵalarymen, halyqara­lyq jáne óńirlik uıymdardyń jetekshi­leri­men, bıznes-qoǵamdastyq ókilderimen 84 kezdesý ótkizdi. 22 memlekettiń elshisinen senim gramotalaryn qabyldady.

Ótip bara jatqan jyl Qazaqstan úshin qandaı boldy? Syrty saıasat el ekonomıkasyna qalaı yqpal etedi jáne ár qazaqstandyqtyń ómirinen qalaı kórinis tabady? Osy jáne ózge de saýaldarǵa jaýapty Prezıdent teleradıokesheni túsirgen “Syrtqy saıasat. 2024 jyl” derekti fılminen tabýǵa bolady.

Fılm jýyrda Silk way arnasynan kórsetildi, al 4 qańtar kúni saǵat 15:05-te Jibek Joly telearnasynyń efırinen ótedi.

Sondaı-aq QR Prezıdentiniń keńesshisi – Baspasóz hatshysy Berik Ýálı Memleket basshysy jańa jyldy qalaı qarsy alatynyn aıtyp berdi.