Prezıdenttiń Serbııaǵa resmı sapary aıasynda 10 qujatqa qol qoıyldy

<p>ASTANA. KAZINFORM &mdash; Kelissózderden keıin memleketter basshylarynyń qatysýymen qol qoıylǵan qujattardy almasý rásimi ótti, dep habarlaıdy Aqordanyń baspasóz qyzmeti.</p>

Foto: Aqordanyń baspasóz qyzmeti

Foto: Aqordanyń baspasóz qyzmeti

Qazaqstan Prezıdentiniń Serbııaǵa resmı sapary aıasynda mynadaı qujattarǵa qol qoıyldy:

1. Qazaqstan Respýblıkasynyń Úkimeti men Serbııa Respýblıkasynyń Úkimeti arasyndaǵy tulǵalardy readmıssııalaý týraly kelisim;
2. Qazaqstan Respýblıkasynyń Úkimeti men Serbııa Respýblıkasynyń Úkimeti arasyndaǵy qorǵanys salasyndaǵy yntymaqtastyq týraly kelisim;
3. Qazaqstan Respýblıkasynyń Ǵylym jáne joǵary bilim mınıstrligi men Serbııa Respýblıkasynyń Bilim mınıstrligi arasyndaǵy bilim salasyndaǵy ózara túsinistik týraly memorandým;
4. Qazaqstan Respýblıkasynyń Eńbek jáne halyqty áleýmettik qorǵaý mınıstrligi men Serbııa Respýblıkasynyń Eńbek, jumyspen qamtý, ardagerler isi jáne áleýmettik máseleler jónindegi mınıstrligi arasyndaǵy yntymaqtastyq týraly memorandým;
5. Qazaqstan Respýblıkasynyń Týrızm jáne sport mınıstrligi men Serbııa Respýblıkasynyń Týrızm jáne jastar mınıstrligi arasyndaǵy týrızm salasyndaǵy yntymaqtastyq týraly memorandým;
6. Qazaqstan Respýblıkasynyń Qarjy mınıstrligi men Serbııa Respýblıkasynyń Statıstıka basqarmasy arasyndaǵy ózara saýdada statıstıkalyq derekter almasý salasyndaǵy yntymaqtastyq týraly hattama;
7. Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi men Serbııa Respýblıkasynyń Ǵylym, tehnologııalyq damý jáne ınnovatsııalar mınıstrligi arasyndaǵy ǵarysh qyzmeti salasyndaǵy yntymaqtastyq boıynsha ózara túsinistik týraly memorandým;
8. Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi men Serbııa Respýblıkasynyń Aqparat jáne telekommýnıkatsııalar mınıstrligi arasyndaǵy yntymaqtastyq týraly memorandým;
9. Qazaqstan Respýblıkasynyń Ulttyq akademııalyq kitaphanasy men Serbııa Respýblıkasynyń Ulttyq kitaphanasy arasyndaǵy ózara túsinistik jáne yntymaqtastyq týraly memorandým;
10.  Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýty men Serbııa Respýblıkasynyń Halyqaralyq saıasat jáne ekonomıka ınstıtýty arasyndaǵy ózara túsinistik týraly memorandým.

Foto: Aqordanyń baspasóz qyzmeti

Eske salsaq, Memleket basshysy Serbııa Prezıdenti Aleksandr Výchıchpen shaǵyn quramda kelissóz júrgizdi. Keıinnen eki el basshylary keńeıtilgen quramda kelissóz júrgizgeni habarlandy.

Eske salsaq, Qasym-Jomart Toqaev Serbııaǵa keshe ushyp bardy. Búgin Serbııa saraıynyń aldyndaǵy alańda Qazaqstan Prezıdentin resmı qarsy alý rásimi ótti.